सोनिया गांधींना प्रकृती अस्वास्थ्यामुळे शिमल्याहून दिल्लीत हलवले

शिमला : यूपीए अध्यक्षा सोनिया गांधींना काल मध्यरात्री प्रकृतीत बिघाड निर्माण  झाला होता त्यामुळे त्यांना शिमल्याहून नवी दिल्लीत हलवण्यात आले असल्याचे सांगण्यात येत आहे. शिमल्यात त्या त्यांच्या निर्माणाधीन बंगल्याचे बांधकाम पाहण्यासाठी आल्या होत्या. काँग्रेसच्या माजी अध्यक्षा सोनिया गांधी इथे मुलगी प्रियंका गांधी वाड्रासोबत आल्या होत्या. त्याच वेळी त्यांची प्रकृती बिघडली.

शिमल्यातल्या इंदिरा गांधी मेडिकल कॉलेज(आयजीएमसी) रुग्णालयातल्या वरिष्ठ चिकित्सा अधीक्षक डॉक्टर रमेश चंद यांनी त्यांना दिल्लीतल्या रुग्णालयात हलवण्याची व्यवस्था केली आहे. सोनिया गांधींसोबत एक डॉक्टर आणि अँब्युलन्सने त्यांना मध्यरात्रीच दिल्लीत पाठवण्यात आले असल्याचे डॉक्टरांनी म्हटले.

सोनिया गांधी रात्री शिमल्याहून निघाल्यात आणि रस्त्यात त्यांना एक डॉक्टरांची टीम मिळाली. त्यानंतर काही वेळ त्या पंचकुलामध्ये थांबल्या होत्या. डॉक्टर चंदीगडपर्यंत त्यांच्यासोबत होते. त्यानंतर स्पेशल विमानानं त्या दिल्लीला रवाना झाल्या. डॉक्टरांच्या माहितीनुसार, त्यांची प्रकृती सध्या स्थिर आहे. गेल्या वर्षी ऑक्टोबर महिन्यातही सोनिया गांधींची प्रकृती बिघडली होती.


‘प्रभात’चे फेसबुक पेज लाईक करा

What is your reaction?
0 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)