सातारा: ट्रॅव्हल्स चालकाने लांबविली प्रवाशी रोकड

सातारा : ट्रॅव्हल्समध्ये बसलेल्या प्रवाशाची बॅग चोरून त्यातील 66 हजार रुपये किंमतीचे सोन्याचे दागिने लंपास केल्याप्रकरणी बसचालक व वाहकावर गुन्हा दाखल करण्यात आला आहे.

परशुराम रवींद्र लोंढे (रा. हिंगणगाव, जि. सांगली) यांनी याप्रकरणी पोलिसांत तक्रार दिली आहे. बुधवारी रात्री उशिरा सातारा बसस्थानक परिसरातील प्रशासकीय इमारत येथे जोतिर्लिंग ट्रॅव्हल्समध्ये ते बसले होते. काही वेळानंतर ते खाली उतरले असता बसचालक नितीन राजेंद्र चव्हाण (वय 20, दौलतनगर, सातारा) व वाहक नीलेश कृष्णात सावंत (वय 27, रा. मुढे, ता. पाटण) यांनी सीटवरील बॅगची चोरी केली. यात सोन्याचे मंगळसूत्र, अंगठी, चैन असा एकूण 65 हजार 600 रुपयांचा मुद्देमाल होता. तो त्यांनी लंपास केला. याप्रकरणी सातारा शहर पोलीस ठाण्यात गुन्हा दाखल केला आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)