“शहर परिवर्तन’चा अहवाल महासभेसमोर

पिंपरी – पिंपरी-चिंचवड महापालिकेच्या शहर परिवर्तन समितीने त्यांचा पहिला अहवाल तयार केला असून महापालिकेच्या शनिवारी (दि. 20) होणाऱ्या सर्वसाधारण सभेसमोर सादर केला जाणार आहे.

शहर परिवर्तनाचे उद्दीष्ट साधण्याकरिता 2 जानेवारी 2018 पासून शहर परिवर्तन कार्यालयाची निर्मिती करण्यात आली आहे. शहराचा विकास व दीर्घकालीन सुधारणा करण्यासाठी शहर परिवर्तन समितीने पहिल्या टप्प्यात शहर विकास धोरण अराखडा तयार केला आहे. यासाठी विभागाने शहरातील 14 हजार नागरिकांचे सर्वेक्षण करण्यात आले आहे.

या सर्वेक्षणातील सुचनांनुसार एक सर्व समावेशक अहवाल सादर करण्यात आला आहे. ज्यामध्ये नागरिकांच्या सुचना, प्रतिक्रिया तसेच महापालिकेच्या संबंधित विभागाशी चर्चा करून महापालिकेचे ध्येय, मुल्ये व धोरण आराखडा तयार केला आहे. यामध्ये 22 धोरणात्मक उपक्रमांचा देखील समावेश आहे. हा अहवाल शनिवारी महापालिकेच्या सभेसमोर सादर होणार आहे. पिंपरी-चिंचवड शहराचा “स्मार्ट सिटी’मध्ये समावेश झाला आहे. तसेच शहर राहण्यायोग्य शहराच्या यादीमध्येही समाविष्ट आहे. मात्र हा दर्जा अधिक सुधारावा यासाठी या विभागाची स्थापना करण्यात आली आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)