व्हॉट्सअ‍ॅपच्या व्हिडिओ कॉलिंगद्वारे गर्लफ्रेन्डसमोर तरूणाची आत्महत्या

पाटणा : व्हॉट्सअ‍ॅपच्या व्हिडिओ कॉलिंगवर गर्लफ्रेन्डसमोर एका तरूणाने आत्महत्या केल्याची धक्कादायक घटना घडली आहे. आकाश कुमार असे या तरूणाचे नाव आहे. त्याने देशीकट्ट्याने स्वतःच्या डोक्यात गोळी झाडून आत्महत्या केली.
पाटण्यातील साईचकमधील ही घटना असून त्याने सोमवारी राहत्या घरीच आत्महत्या केली आहे. धक्कादायक बाब म्हणजे आत्महत्या करतेवेळी तो त्याच्या गर्लफ्रेण्डशी व्हॉट्सअॅप व्हिडीओ कॉलवर बोलत होता. आकाशची गर्लफ्रेण्ड इयत्ता नववीत शिकणारी आहे. मिळालेल्या माहितीनुसार, आकाश गेल्यावर्षी परीक्षेत नापास झाला होता. पोलिसांनी घटनास्थळावरून ९ एमएम देशीकट्टा आणि मोबाइल जप्त केला आहे.
आकाशच्या गर्लफ्रेन्डने पोलिसांना सांगितले की, ‘आकाश व्हिडीओ कॉलवर बोलत होता. अचानक त्याने पिस्तुल बाहेर काढलं. मी त्याला लगेचच पिस्तुल बाजूला करायला सांगितली. पण त्याने ऐकले नाही. आकाशचे वडील त्याच्यावर लग्नासाठी दबाव आणत होते. आकाशच्या गर्लफ्रेण्डच्या वडिलांचे गुन्हेगारी विश्वाशी संबंध असल्याने आकाशच्या वडिलांचा त्यांच्या लग्नाला विरोध होता. त्यामुळे आकाश नाराज होता. मुलीच्या घरूनही या लग्नाला विरोध होता, अशी माहिती पोलिसांनी दिली.

What is your reaction?
0 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:
-Ads-

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)