विजय मल्ल्यासारखे स्मार्ट बना; केंद्रीय मंत्र्याचा सल्ला

हैदराबाद: केंद्रीय आदिवास विकास मंत्री जुएल ओराम यांनी आदिवासी समाजातील तरूण उद्योजकांना अजब सल्ला दिला आहे. ‘केवळ हार्ड वर्कर बनू नका; फरार उद्योगपती विजय मल्लयासारखे स्मार्ट बना,’ असा सल्ला जुएल ओराम यांनी दिल्यामुळे आश्चर्य व्यक्त केले जात आहे.

हैदराबाद येथील पहिल्या राष्ट्रीय अनूसूचित जमाती उद्योजक संमेलनाला संबोधित करताना जुएल ओराम यांनी हा सल्ला दिला. ‘चुकीची कामं करण्यापूर्वी विजय मल्ल्याने उद्योग क्षेत्रात यश मिळवले होते. त्याने त्याचा उद्योग स्थिरस्थावर केला होता. त्यामुळे त्याच्याकडून प्रेरणा घ्यायला हवी,’ असे ओराम म्हणाले.

‘तुम्ही विजय मल्ल्याला शिव्या देता. पण मल्ल्या कोण आहे? तो एक स्मार्ट व्यक्ती आहे. त्याने बुद्धिमान लोकांना कामावर ठेवले आणि बँका, राजकारणी आणि सरकारला आपल्या कामाने प्रभावीत केले. असं करण्यापासून तुम्हाला कोण रोखतं? व्यवस्थेवर प्रभाव पाडण्यापासून कोणीही तुम्हाला थांबवलेलं नाही,’ असंही ते म्हणाले. आदिवासींनी आरक्षणाचा फायदा घेत शिक्षण आणि उद्योग क्षेत्रात चांगली कामगिरी करावी, असं आवाहनही त्यांनी यावेळी केलं. यावेळी आदिवासी समाजातील एक हजाराहून अधिक उद्योगपती उपस्थित होते.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)