लातूरमधील तीन अट्‌टल गुन्हेगार गजाआड 

दोन गावठी पिस्टल 5 काडतूसासह जप्त

लातूर – गंभीर गुन्ह्यातील तीन अट्‌टल गुन्हेगारांना स्थानिक गुन्हे शाखेने अटक केली आहे. जिल्ह्यात ऑल आऊट ऑपरेशन व नाकाबंदी करुन गुरुवारी ही कारवाई करण्यात आली आहे. आरोपींकडून 2 गावठी बनावटीचे पिस्टल, 5 जिवंत काडतूस जप्त केली आहेत.

पंकज शाम पारीख, मंगेश दिलीप सोनकांबळे (दोघे रा. लातूर) व प्रतिक दगडू केदार (रा. चाकूर) अशी अटक केलेल्या आरोपींची नावे आहेत. प्रतिक केदार याने मध्यप्रदेश येथून 15 दिवसांपूर्वी बेकायदेशीररित्या 2 देशी पिस्टल व 11 जिवंत काडतूस विकत घेतले होते. यापैकी पंकज पारीख याने 1 पिस्टल व 5 काडतूस खरेदी केले होते. पंकजचा मित्र मंगेश सोनकांबळे याला 1 पिस्टल व 3 काडतुसांची त्याने विक्री केली होती. असा खरेदी-विक्रीचा बाजार सुरू असतानाच यासंदर्भात स्थानिक गुन्हे शाखेच्या अधिकाऱ्यांना गुप्त बातमीदारामार्फत ही माहिती मिळाली.

त्यानुसार पोलीस निरीक्षक सुनिल नागरगोजे यांनी पथकाची नेमणूक करुन बंदोबस्त तैनात केला. पंकज पारिख याच्या आदर्श नगरातील घरावर स्थानिक गुन्हे शाखेच्या अधिकाऱ्यांनी छापा टाकून 1 पिस्टल व 2 काडतूस ताब्यात घेतले आहेत.


‘प्रभात’चे फेसबुक पेज लाईक करा

What is your reaction?
0 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)