रोजगारनिर्मिती वाढण्यास प्रचंड वाव 

 मात्र विविध क्षेत्रांत कौशल्य वाढविण्याची गरज 
नवी दिल्ली: बांधकाम, किरकोळ विक्री (रिटेल) आणि वाहतूक या क्षेत्रातील रोजगाराच्या संधी वाढत असून, ही क्षेत्रे रोजगाराच्या आघाडीवर सरकारला आधार देणारी ठरत आहेत. या क्षेत्रात कौशल्य विकासाला अधिक गती देण्याचा प्रयत्न सरकारकडून सुरू आहेत.
कौशल्य विकासमंत्री धर्मेंद्र प्रधान यांनी सांगितले की, 2017 ते 2022 या काळात कौशल्य विकास कार्यक्रमांतर्गत 34 क्षेत्रांतील 1,268 लाख लोकांना प्रशिक्षित केले जाईल. त्यातून रोजगाराच्या तसेच स्वयंरोजगाराच्या संधी निर्माण होतील. रिटेल, वाहतूक आणि बांधकाम या क्षेत्रात रोजगारनिर्मितीची शक्‍यता अधिक आहे. त्यामुळे या क्षेत्रात अधिक प्रमाणात प्रशिक्षण कार्यक्रम राबविला जाईल. कौशल्य विकास मंत्रालयाच्या अधिकाऱ्यांनी सांगितले की, रस्ते, परिवहन व महामार्ग मंत्रालय 62.2 लाख लोकांना प्रशिक्षित करणार आहे.
बांधकाम क्षेत्रात 320 लाख तर रिटेल क्षेत्रात 107 लाख लोकांसाठी प्रशिक्षण दिले जात आहे. वस्त्रोद्योग, हस्तकला व अन्य एका क्षेत्रात 60 लाखांना प्रशिक्षित करण्याची योजना आहे. सूत्रांनी सांगितले की, पाच वर्षांत किती लोकांना नोकऱ्या दिल्या? या प्रश्‍नाचे उत्तर देताना सरकारची अडचण होऊ नये यासाठी 34 क्षेत्रांवर लक्ष केंद्रित करण्यात आले आहे. ही अनियोजित क्षेत्रे असल्यामुळे या क्षेत्रात नोकऱ्या लवकर लागतात तशा लवकर जातात.
2.80 कोटी लोकांचा लाभ कौशल्य विकास मंत्रालयाच्या आकडेवारीनुसार, 2011-14 या काळात 1.73 कोटी लोकांना कौशल्य विकास प्रशिक्षण दिले गेले, तर 2015 ते 2018 या काळात 2.80 कोटी लोकांना प्रशिक्षण देण्यात आले.

‘प्रभात’चे फेसबुक पेज लाईक करा


ताज्या बातम्यांसाठी प्रभातचे मोबाईल अॅप डाऊनलोड करा

-Ads-
दैनिक प्रभातचे फेसबुक पेज लाईक करा

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)