रेल्वेच्या खासगीकरणाचा विचार नाही – गोयल 

नवी दिल्ली – रेल्वेच्या खासगीकरणाचा कसलाही विचार नसल्याचे रेल्वे मंत्री पियुष गोयल यांनी सांगितले. त्याचबरोबर भविष्यात असे काही होणार नसल्याचे त्यांनी स्पष्ट केले आहे. रेल्वेचे आधुनिकीकरण होणे गरजेचे आहे. त्यासाठी परदेश तंत्रज्ञानाची गरज आहे. त्यासाठी परकीय गुंतवणूक रेल्वेला हवी असल्याचे त्यांनी सांगितले. मात्र, याचा अर्थ रेल्वेचे खासगीकरण होत आहे असे नाही. भारतात ते शक्‍य नसल्याचे त्यांनी पत्रकाराशी बोलताना सांगितले.

आता रेल्वेच्या विस्तारीकरणाचे काम वेगात सुरू असल्याचे ते म्हणाले. 2009-2013 या काळात प्रत्येक दिवसाला केवळ 4.1 किमी रूळ टाकले जात होते. मात्र, आता रोज 6.53 किमी रूळ टाकले जात आहेत. त्याचबरोबर विद्युतीकरणाचे काम वेगाने चालू असल्याचे त्यांनी सांगितले. ते म्हणाले की, भारतात बुलेट ट्रेन सारख्या प्रकल्पांना विरोध होत असतो. त्यातून मार्ग काढण्याच प्रयत्न चालू असल्याचे त्यानी सांगितले. गेल्या 50 वर्षांत भारतातील विशाल रेल्वे नेटवर्ककडे पुरेसे लक्ष न दिल्या गेल्यामुळे रेल्वेत विकासाचा मोठा बॅकलॉग निर्माण झाला आहे. आता खासगी क्षेत्राशी आवश्‍यक तेवढेच सहकार्य करून रेल्वेला आधुनिक करण्यात येणार आहे. त्यामुळे प्रवासी व मालवाहतुकीला चालना मिळून अर्थव्यवस्थेला वेग येण्यास मदत होईल.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)