राष्ट्रकुल स्पर्धेसाठी भारतीय समूहाची घोषणा

नवी दिल्ली: ऑस्ट्रेलियातील गोल्ड कोस्ट सिटीत ४ ते १५ एप्रिलदरम्यान होणाऱ्या राष्ट्रकुल स्पर्धेसाठी क्रीडा मंत्रालयाने भारतीय समूहाची घोषणा केली आहे. मंत्रालयाने ३२५ सदस्यांची नावे निश्चित केली आहेत. त्यात २२१ अॅथलिट्स, ५८ प्रशिक्षक, १७ डॉक्टर आणि फिजिओथेरपिस्ट, सात व्यवस्थापक आणि २२ इतर अधिकाऱ्यांचा समावेश आहे.

वैयक्तिक क्रीडा स्पर्धांमध्ये भारताकडून सर्वाधिक खेळाडू सहभागी होणार आहेत. अॅथलिटिक्समध्ये ३१ आणि नेमबाजी स्पर्धेत २७ खेळाडू भारताकडून सहभागी होणार आहेत. तर वेटलिफ्टिंगमध्ये १६ आणि कुस्तीमध्ये १२ भारतीय खेळाडू रणांगणात उतरणार आहेत. बॅडमिंटनसाठी १० सदस्यांचा संघ ऑस्ट्रेलियात जाणार आहे. त्यात जागतिक क्रमवारीत दुसऱ्या क्रमांकावर असलेला किदम्बी श्रीकांत आणि महिलांमध्ये जागतिक क्रमवारीत तिसऱ्या क्रमांकावर असलेली पी. व्ही. सिंधू असणार आहे.

सिंधू ही राष्ट्रकुल स्पर्धेच्या उद्घाटन सोहळ्यात भारतीय ध्वजवाहक असणार आहे.  ऑस्ट्रेलियात जाणाऱ्या या समूहाचा संपूर्ण खर्च भारतीय क्रीडा प्राधिकरण अर्थात ‘साई’ उचलणार आहे. त्यासाठी ‘साई’तर्फे एका अधिकाऱ्याची नियुक्ती केली जाणार आहे. तो अधिकारी आयओए, नाडासारख्या विभागांच्या संपर्कात राहील, असे क्रीडा मंत्रालयाने स्पष्ट केलं.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)