मुंबई – राज्यातील 11 आयएएस अधिकाऱ्यांच्या बदल्या करण्यात आल्या आहेत. मुंबई महापालिकेचे अतिरिक्त आयुक्त डॉ. संजय मुखर्जी यांची वैद्यकीय शिक्षण आणि औषध विभागाच्या पदावर बदली करण्यात आली असून त्यांच्या जागेवर महाराष्ट्र औद्योगिक विकास प्राधिकरण (एमआयडीसी) चे सीईओ संजय सेठी यांची नियुक्ती करण्यात आली आहे.

बदल्या झालेल्या अधिकाऱ्यांमध्ये डॉ. कविता गुप्ता, संजय सेठी, डॉ. के. एच गोविंदा राज, डॉ. संजय मुखर्जी, अनुप कुमार यादव, परिमल सिंह, डॉ. एच. यशोद, ई. रावेंदिरन, एम. जे. प्रदीप चंद्रन, डॉ. बी. एन. पाटील, ए. बी. धुलाल या अधिकाऱ्यांचा समावेश आहे. डॉ. के. एच. गोविंदा राज यांची कौशल्य विकास, रोजगार आणि उद्योजकता, नवी मुंबईच्या आयुक्त पदावर बदली करण्यात आली आहे. महाराष्ट्र राज्य एड्‌स नियंत्रण सोसायटी, म्‌ुंबईचे प्रकल्प संचालक असलेले परिमल सिंह यांची विशेष विक्रीकर अधिकारी म्हणून नियुक्ती करण्यात आली आहे.

ई. रावेंदिरन (सदस्य सचिव, महाराष्ट्र प्रदूषण विभाग (माहिती आणि तंत्रज्ञान मुंबई), एम. जे. प्रदीप चंद्रन (उपसचिव, सामान्य प्रशासन विभाग (माहिती आणि तंत्रज्ञान) मुंबई, डॉ. बी. एम. पाटील (संचालक (पर्यावरण) विभाग मुंबई, ए. बी. धुलाज (राज्य कर्मचारी विमा योजना, आयुक्त, मुंबई), मुंबईच्या व्यवस्थापकीय संचालक पदावर नियुक्ती करण्यात आली आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)