राज्यातील ग्रामपंचायती उच्च क्षमतेच्या इंटरनेटने जोडणार

मुंबई – राज्यातील 13 हजार ग्रामपंचायती उच्च क्षमतेच्या इंटरनेट सेवेने जोडण्यासाठी उमहानेटञ प्रकल्प राबविण्यात येत आहे. त्यासाठी आवश्‍यक त्या सर्व परवानग्या एकत्रितपणे आणि एकाच वेळी देण्यासह विविध प्रकारचे शुल्क भरण्यापासून सूट देण्यास आज झालेल्या मंत्रिमंडळाच्या बैठकीत मंजुरी देण्यात आली.

महाराष्ट्रातील सुमारे 13 हजार ग्रामपंचायतींना उच्च क्षमतेची इंटरनेट जोडणी महानेट प्रकल्प (भारत नेट फेज 2) अंतर्गत उपलब्ध करुन देण्यात येणार आहे. हा प्रकल्प महाराष्ट्र माहिती तंत्रज्ञान महामंडळ (महाआयटी) ही राज्य शासनाची 100 टक्के मालकी असलेली कंपनी राबवित आहे. महाआयटीने या प्रकल्पासाठी केंद्र सरकारसोबत 9 डिसेंबर 2017 रोजी सामंजस्य करार केला असून केंद्राच्या निर्देशानुसार मार्च 2019 पर्यंत हा प्रकल्प पूर्ण होणे आवश्‍यक आहे. ठरलेल्या मुदतीत हा प्रकल्प पूर्ण व्हावा, या दृष्टिकोनातून मंत्रिमंडळाने आज विविध बाबींना मंजुरी दिली आहे. त्यासोबतच महानेट हा प्रकल्प महत्त्वपूर्ण सार्वजनिक हेतू योजना म्हणून घोषित करण्यासही मान्यता देण्यात आली आहे. यामुळे जलद गतीने या प्रकल्पाची अंमलबजावणी करणे आता शक्‍य होणार आहे.

-Ads-

या प्रकल्पासाठी राज्यातील मार्गाच्या हक्कासाठी पूर्व परवानगी घेण्यापासून सूट, मार्गाचा हक्क (आरओडब्ल्यू) शुल्क, प्रशासकीय आणि अन्य प्रकारचे शुल्क यातून सूट, हवाई मार्गांसाठी एमएसडीसीएल, शहरी स्थानिक संस्था तसेच ग्रामपंचायत हद्दीतील विद्युत खांब व पायाभूत सुविधांची उपलब्धता आणि त्याचा वापर करण्याकरीता परवानगी देण्यात आली आहे.

नवी मुंबई येथे किमान 2500 चौरस फुट क्षेत्र असलेले स्टेट नेटवर्क ऑपरेटिंग सेंटर (एनओसी) तसेच औरंगाबाद, नागपूर येथे किमान 1200 चौरस फुट क्षेत्रफळ असलेले आपदा रिकवरी स्टेट नेटवर्क ऑपरेटिंग सेंटर स्थापन करण्यासदेखील मान्यता देण्यात आली आहे.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)