राज्याच्या मुख्य सचिवपदी डी.के. जैन

मुंबई: राज्याच्या मुख्य सचिवपदी डी.के. जैन यांची नियुक्ती करण्यात आली आहे. सुमित मलिक यांच्या जागी त्यांची नियुक्ती करण्यात आली आहे. जैन यांच्या निवडीमुळे सेवाज्येष्ठता असूनही महिला अधिकाऱ्याची मुख्य सचिवपदाची संधी हुकल्याचे बोलले जात आहे.

राज्याचे मुख्य सचिव सुमित मलिक आज निवृत्त झाल्याने त्यांच्या जागी वित्त विभागाचे अतिरिक्त मुख्य सचिव डी.के. जैन यांच्याकडे मुख्य सचिवपदाची सूत्रे सोपवण्यात आली आहेत. राज्याच्या मुख्य सचिवपदासाठी मदत आणि पुनर्वसन विभागाच्या मुख्य सचिव मेधा गाडगीळ यांच्या नावाचीही चर्चा होती. मात्र जैन यांच्यापेक्षा वरिष्ठ असलेल्या गाडगीळ यांना डावलून जैन यांच्या गळ्यात मुख्य सचिवपदाची माळ घालण्यात आली आहे. त्यामुळे सेवाज्येष्ठता असूनही महिला अधिकाऱ्याची मुख्य सचिवपदाची संधी हुकल्याची मंत्रालयात चर्चा आहे.

-Ads-

दरम्यान, कर्तबगार आणि प्रामाणिक अधिकारी म्हणून जैन यांची ओळख आहे. जैन यांची मुख्य सचिवपदी नियुक्ती झाल्याने वित्त विभागाच्या अतिरिक्त मुख्य सचिव पदाची जबाबदारी यु.पी.एस. मदान यांच्याकडे दिली जाईल, असं सुत्रांनी सांगितलं. मदान हे सध्या एमएमआरडीएचे आयुक्त आहे. दरम्यान, डी. के. जैन हे १९८३ च्या बॅचचे सनदी अधिकारी असून ते येत्या ३१ जानेवारी २०१९ रोजी निवृत्त होणार आहेत.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)