पुणे: पीवायसी हिंदू जिमखान्यातर्फे 19 वर्षांखालील गटाच्या ‘पीवायसी-गोल्डफिल्ड’ राजू भालेकर करंडक निमंत्रित क्रिकेट स्पर्धेचे 16 ते 25 सप्टेंबरदरम्यान आयोजन करण्यात आले आहे. पीवायसी, डेक्कन जिमखाना आणि पूना क्‍लबच्या मैदानावर स्पर्धेचे सामने होणार आहेत.

या स्पर्धेत यजमान पीवायसीसह पूना क्‍लब, डेक्कन जिमखाना, केडन्स, क्‍लब ऑफ महाराष्ट्र, वेंगसरकर ऍकॅडमी आणि एमसीएने निवडलेले दोन संघ कौशल्य पणाला लावणार आहेत. आठ संघांची दोन गटात विभागणी करण्यात आली असून, स्पर्धा साखळी आणि बाद पद्धतीने खेळविली जाणार आहे.

स्पर्धेतील उत्कृष्ट खेळाडू, उत्कृष्ट फलंदाज, उत्कृष्ट गोलंदाज, उत्कृष्ट क्षेत्ररक्षक आणि उत्कृष्ट यष्टिरक्षक यांना एकूण 50 हजार रुपयांची पारितोषिके दिली जाणार आहेत, अशी माहिती पीवायसीचे अध्यक्ष डॉ. सुधीर भाटे, क्रिकेट विभागाचे सचिव विनायक द्रविड आणि गोल्डफिल्डचे अनिल छाजेड यांनी दिली. स्पर्धेचे उद्घाटन महाराष्ट्राचे माजी कर्णधार राजू भालेकर यांच्या पत्नी रिजूता भालेकर यांच्या हस्ते होणार आहे. रविवारी पीवायसी विरुद्ध क्‍लब ऑफ महाराष्ट्र आणि डेक्कन जिमखाना विरुद्ध पूना क्‍लब या लढती रंगणार आहेत.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)