मुख्यमंत्री पंचांग बघून मंत्रिमंडळ विस्तार करतील – गुलाबराव पाटील

नाशिक – मुख्यमंत्री देवेंद्र फडणवीस हे पंचांग बघूनच मंत्रिमंडळाचा विस्तार करतील, असे वक्तव्य शिवसेना नेते गुलाबराव पाटील यांनी केले. ते नाशिकमध्ये एका वृत्तवाहिनीशी बोलत होते. राहू कोण, केतू कोण हे बघूनच मुख्यमंत्री मूहूर्त काढतील, अशी पुस्तीही त्यांनी यावेळी जोडली.

गुलाबराव पाटील म्हणाले, मुख्यमंत्री महोदय ब्राह्मण आहेत. पंचागाच्या आधारे ते कधी मुहूर्त काढतात, यावर आता मंत्रिमंडळ विस्तार अवलंबून आहे. त्यांना लक्षात येईल राहू कोण, केतू कोण, त्यावर सर्व अवलंबून आहे. मागच्या विस्तारात माझा मंत्रिमंडळात समावेश झाला. आता त्यांच्या पक्षातील, त्यांच्या डोक्‍यातील कोण आहेत हे पाहावे लागेल, असे ते म्हणाले.

-Ads-
दैनिक प्रभातचे फेसबुक पेज लाईक करा

यावेळी गुलाबराव पाटील यांनी पेट्रोल दरवाढीवरुनही सरकारवर निशाणा साधला. आधी पेट्रोल पंपावरच्या पोस्टरवर मोदींसोबत वृद्ध स्त्री असायची, आता मॉडेल दिसते, असे पाटील म्हणाले. पेट्रोलचे दर गगनाला भिडले तरी लोक भाजपलाच पसंत करतायत अशी हतबलताही त्यांनी व्यक्त केली.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)