मराठीतील कागदपत्रे कशी सादर केली

दिल्ली उच्च न्यायालयाने पुणे पोलिसांना फटकारले
नवी दिल्ली – नक्षलवाद्यांशी संबंध असल्याच्या संशयातून अटक करण्यात आलेल्या गौतम नवलाखा यांच्यावरील कारवाईवरुन दिल्ली उच्च न्यायालयाने पुणे पोलिसांना फटकारले आहे. कनिष्ठ न्यायालयात पोलिसांनी मराठीतील कागदपत्रे कशी सादर केली. आरोपीला मराठीतून भाषांतर केलेली कागदपत्रे का दिली नाहीत, असा सवाल न्यायालयाने पुणे पोलिसांना विचारला आहे.

मानवी हक्क कार्यकर्ते गौतम नवलाखा यांना देखील पुणे पोलिसांनी मंगळवारी दिल्लीतून अटक केली होती. नवलाखा यांच्यावर बंदी घातलेल्या संघटनेशी संबंध असल्याचा आरोप आहे. नवलाखा यांच्या वतीने दिल्ली उच्च न्यायालयात याचिका दाखल करण्यात आली आहे. या याचिकेवर बुधवारी सुनावणी झाली.

-Ads-
दैनिक प्रभातचे फेसबुक पेज लाईक करा

नवलाखा यांच्या अटकेसंदर्भातील कागदपत्रे पुणे पोलिसांनी कनिष्ठ न्यायालयात सादर केली होती. ही कागदपत्रे मराठी भाषेतून होती. यावरुन न्यायालयाने फटकारले. तुम्ही अटक करताना मराठीतून भाषांतर केलेली कागदपत्रे का दिली नाही? असे पोलिसांना विचारले. तसेच कनिष्ठ न्यायालयाने मराठीतून हिंदी किंवा इंग्रजीत भाषांतर केलेली कागदपत्रे सादर करण्यात आलेली नसतानाही ट्रान्झिट रिमांड कसा मंजूर केला, असे न्यायालयाने नमूद केले.

युक्तिवादादरम्यान पुणे पोलिसांना नवलाखा यांना अटक का करण्यात आली, याचे स्पष्टीकरण देता येत नव्हते. पोलिसांच्या उत्तराने न्यायालयाचे समाधान होत नव्हते. पोलिसांनी नवलाखा यांचा उल्लेख “आरोपी’ म्हणून करु नये, असेही न्यायालयाने सांगितले. एखाद्या व्यक्तीने एका मिनिटासाठीही तुरुंगात जाणे हा चिंतेचा विषय आहे, असे नमूद करत सर्वोच्च न्यायालयाच्या निर्णयानंतर दिल्ली उच्च न्यायालयाने निर्णय राखून ठेवला. या प्रकरणी गुरुवारी सुनावणी होणार आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)