बोगदा परिसरात भराव कोसळल्याने घबराट

वाहतूक एका बाजूने वळवली

सातारा प्रतिनिधी
सातारा आणि परळी खोऱ्याचा वाहतुकीचे माध्यम असणाऱ्या ब्रिटिशकालीन बोगदा परिसरातील डोंगरालगतच्या मातीचा भराव संततधार पावसाने कोसळल्याने भीतीचे वातावरण निर्माण झाले होते . सार्वजनिक बांधकाम विभागाने तत्काळ बोगद्याच्या डाव्या कोपऱ्यावर बॅरिकेटिंग करून वाहतूक एका बाजूने वळवली . या बोगद्याचे तत्काळ स्ट्रक्‍चरल ऑडिट करावे अशी मागणी नागरिकांनी केली आहे .
शेंद्रे सोनगाव सज्जनगड तसेच परळी खोऱ्यातील गावांना जाण्यासाठी हा बोगदा हा अत्यंत जवळचा मार्ग आहे . ब्रिटिशकालीन बोगद्याला वाहतुकीची शतकी परंपरा आहे . या बोगद्याच्या डोळ्यावर जुन्या पॉवर हाऊसची काही वस्ती असून येथूनच यवतेश्वरच्या घाटाला आरंभ होतो . हा भाग डोंगरकड्याचा असून येथे वस्ती आहे . गुरूवारी सकाळी पावणेदहाच्या दरम्यान बोगद्याच्या उजव्या बाजूने मातीचा भराव संततधार पावसामुळे सटकत असल्याचे काही सतर्क नागरिकांच्या लक्षात आले . या रस्त्यावरील वाहतूक तत्काळ थांबवण्यात आली . सार्वजनिक बांधकाम विभागाने तत्काळ बॅरिगेटिंग करून उपाययोजना केल्या . तसेच परिसरातील नागरिकांना सतर्कतेचा इशारा देण्यात आला आहे . या भागातील रहिवांशांच्या सुरक्षिततेचा प्रश्न ऐरणीवर आला असून यंत्रणा परिस्थितीवर बारकाईने लक्ष ठेवून आहे .

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)