बॅडमिंटन स्पर्धा: सार्थक पाटणकर, प्रांजल सातपुते, इशिका मेदाणे अंतिम फेरीत

सोलारिस-रावेतकर करंडक जिल्हास्तरीय मानांकन बॅडमिंटन स्पर्धा
पुणे: कोर्णाक इंचेकर, सार्थक पाटणकर, प्रांजल सातपुते व इशिका मेदाणे यांनी चमकदार विजयाची नोंद करताना सोलारिस-रावेतकर करंडक जिल्हास्तरीय मानांकन बॅडमिंटन स्पर्धेतील 11 वर्षाखालील गटाच्या अंतिम फेरीत प्रवेश केला. सोलारिस क्‍लब यांच्यातर्फे ही स्पर्धा आयोजित करण्यात आली आहे.

तेरा वर्षांखालील मुलींच्या गटांत रिया भालेराव व आचल जैन यांनी अंतिम फेरी गाठली. तर तेरा वर्षांखालील मुलांच्या गटांत वेदांत नातू व ओम होजागे यांनी अंतिम लढतीची निश्‍चिती केली. तसेच 17 वर्षांखालील मुलांच्या गटांत भूषण पोतनीस व वरद तळेगांवकर यांनी, तर 17 वर्षांखालील मुलींच्या गटांत श्रेया शेलार व सावनी करमरकर यांनी अंतिम पेरीत धडक मारली.

-Ads-

सोलारिस क्‍लबच्या मयूर कॉलनी येथील बॅडमिंटन कोर्ट येथे सुरू असलेल्या स्पर्धेतील 11 वर्षांखालील मुलींच्या एकेरीतील उपान्त्य फेरीत प्रांजल सातपुते हिने अद्विका कामत हिचा 15-9, 15-11 असा सरळ सेटमध्ये पराभव केला. तसेच इशिका मेदाणे हिने राधा गाडगीळ हिचा 15-2, 15-0 असा सहज पराभव करून अंतिम फेरी गाठली. 11 वर्षांखालील मुलांच्या गटात कोर्णाक इंचेकर याने अक्षय घैसास याचा 15-0, 15-12 असा पराभव करून अंतिम फेरी गाठली. त्याच्यासमोर सार्थक पाटणकरचे आव्हान आहे. सार्थकने सुदीप खोराटे याचा 15-5, 15-4 असा सहज पराभव करून अंतिम फेरी गाठली.

तेरा वर्षांखालील मुलांच्या वेदांत नातू याने देवेश गोएल याचा 15-11, 15-10 असा सहज पराभव केला. तसेच ओम होजागे याने कृष्णा बोरा याचा 15-6, 15-7 असा सहज पराभव करून अंतिम फेरी गाठली. अत्यंत चुरशीच्या झालेल्या 17 वर्षांखालील मुलींच्या गटात सावनी करमरकर हिने सानवी राणे हिचा 15-8, 8-15, 15-13 असा पराभव करून अंतिम फेरी गाठली. तसेच श्रेया शेलार हिने सई पळशीकर हिचा 15-5, 15-8 असा पराभव करताना आपली विजयी घौडदौड कायम ठेवली.

सविस्तर निकाल-
मुख्य ड्रॉ- उपान्त्य फेरी- 11 वर्षांखालील मुले- कोर्णाक इंचेकर वि.वि. अक्षय घैसास 15-0, 15-12; सार्थक पाटणकर वि.वि. सुदीप खोराटे 15-5, 15-4;
13 वर्षाखालील मुले- वेदांत नातू वि.वि. देवेश गोएल 15-11, 15-10; ओम होजागे वि.वि. कृष्णा बोरा 15-6, 15-7; 17 वर्षांखालील मुले- भूषण पोतनीस वि.वि. आर्य कुरकुटे 15-8, 15-7; वरद तळेगांवकर वि.वि. सिद्धेश शिंदे 15-7, 2-15, 15-10; 11 वर्षांखालील मुली- प्रांजल सातपुते वि.वि. अव्दविका कामत 15-9, 15-11; इशिका मेदाणे वि.वि. राधा गाडगीळ 15-2, 15-0; 13 वर्षांखालील मुली- रिया भालेराव वि.वि. उदीता बिचाडू 15-11, 15-9; आचल जैन वि.वि. अनन्या देशपांडे 15-5, 15-5; 17 वर्षांखालील मुली- श्रेया शेलार वि.वि. सई पळशीकर 15-5, 15-8;
सावनी करमरकर वि.वि. सानवी राणे 15-8, 8-15, 15-13.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)