बिग बॉसच्या घरातील सदस्यांच्या मागे त्यांच्या खासगी गोष्टींबद्दल चर्चा करणाऱ्या मेघा धाडे हिला इतर सदस्यांच्या रोषाला सामोरे जावे लागले असून तिला गॉसिपिंगची शिक्षा मिळाली आहे. ‘टिकीट टू फिनाले’मधून तिला बाद करण्यात आले आहे.  बिग बॉसच्या घरामध्ये येऊन सदस्यांना जवळपास ९० दिवस पूर्ण होत आहेत. या प्रवासादरम्यान सदस्यांनी स्पर्धा, मैत्री, भांडण, प्रेम याचा सगळ्यांनाच अनुभव घेतला. घरातील इतर सदस्य आपल्या मागे काय बोलतात या विषयी सगळेच अनभिज्ञ असतात. मात्र, गुरुवारच्या भागात बिग बॉस यांच्या वाढदिवसाचे निमित्त साधून घरातील इतर सदस्य आपल्याविषयी मागे काय बोलतात याची झलक घरातील सदस्यांना पहायला मिळाली.

यात स्मिताला मेघा आणि शर्मिष्ठामधील संभाषण दाखवण्यात आले. पुष्कर, सई आणि रेशमला मेघा त्यांच्यामागे काय बोलली हेही दाखवण्यात आले. त्याचा फटका तिला बसला. बिग बॉसने घरातील सदस्यांना चर्चा करत एका सदस्याला ‘टिकिट टू फिनाले’साठी नॉमिनेट करण्याचे कार्य सोपवले होते. त्या दरम्यान घरातील सदस्यांनी सर्वानुमते मेघा ‘टिकिट टू फिनाले’साठी कशी अपात्र आहे हे बिग बॉसला पटवून दिले. मेघा या शर्यतीतून बाद झाल्याने सई, पुष्कर, स्मिता आणि शर्मिष्ठा यांच्यात पुढील स्पर्धा रंगणार आहे. ‘टिकीट टू फिनाले’ मिळवून कोण पुढच्या भागात जाणार हे पाहणे रंजक ठरणार आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)