बाटलीबंद पाण्याच्या एमआरपीबाबतचा निर्णय सर्वोच्च न्यायालयाकडून कायम

नवी दिल्ली : हॉटेल आणि रेस्टॉरंट पाण्याची बॉटल एमआरपीपेक्षा जास्त दराने विकू शकतात, हा निर्णय सर्वोच्च न्यायालयाने कायम ठेवला आहे. आधीच्या निर्णयावर फेरविचार करावा, अशी मागणी करणारी याचिका सरकारने दाखल केली होती. ती याचिका सर्वोच्च न्यायालयाने फेटाळली. न्यायालयाच्या  निर्णयामुळे हॉटेल आणि रेस्टॉरंट मालकांना दिलासा मिळाला आहे.

हॉटेल आणि रेस्टॉरंटमध्ये एमआरपीपेक्षा जास्त दराने पाण्याच्या बॉटलच्या विक्रीवर सरकारने बंदी घातली होती. मात्र मागील वर्षी डिसेंबरमध्ये सर्वोच्च न्यायालयाने हा निर्णय बदलला. हॉटेल आणि रेस्टॉरंटमध्ये ग्राहकांना बसण्यासाठी जागा दिली जाते, यासाठी मालकाने खर्च केलेला असतो. त्यामुळे त्यांनी एमआरपीपेक्षा जास्त दराने पाण्याच्या बॉटलची विक्री केली तर आम्ही ते रोखू शकत नाही, असे न्यायालयाने निकालात म्हटले होते.

“सरकारने दाखल केलेल्या याचिकेत अशी कोणतीही गोष्ट नाही, ज्याच्या आधारावर आम्ही आमच्या डिसेंबरमधील निर्णयात काही बदल करावेत,” असे न्यायमूर्ती एफ नरिमन आणि न्यायमूर्ती नवीन सिन्हा यांच्या खंडपीठाने सांगितले. “फेरविचार याचिका आणि न्यायालयाच्या निकालाला आव्हान देणारी कागदपत्रे लक्षपूर्वक वाचले. आम्ही आमच्या जुन्या निर्णयाने समाधानी आहोत,” असे सर्वोच्च न्यायालयाने म्हटले आहे. “एमआरपीपेक्षा जास्त दराने पाण्याची बॉटल विकणाऱ्यांविरोधात कोणतीही कारवाई केली जाणार नाही,” असेही न्यायालयाने याचिका फेटाळताना स्पष्ट केले.


‘प्रभात’चे फेसबुक पेज लाईक करा

What is your reaction?
0 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)