बरड गोळीबाराची नि:पक्षपाती चौकशी करावी

गुणवरे ग्रामस्थांची मागणी : गावडे कुटुंबीयांवरील आरोप खोटे

फलटण – बरड गोळीबार प्रकरणात विजय गावडे व त्यांच्या कुटुंबियांवर केलेले आरोप खोटे असून त्याची नि:पक्षपातीपणे चौकशी करावी, अशी मागणी निवेदनाद्वारे गुणवरे ग्रामस्थांनी जिल्हाधिकारी व जिल्हा पोलिस प्रमुख यांना केली आहे.
गुणवरे ग्रामस्थांच्यावतीने जिल्हाधिकारी व जिल्हा पोलिस प्रमुख यांना दिलेल्या निवेदनात म्हटले आहे की, बरड येथे झालेल्या गोळीबारात विजय सदाशिव गावडे यांचा काहीही संबंध नसताना त्यांना चौकशीकामी ताब्यात घेतले आहे.

वास्तविक गुलाब भंडलकर उर्फ गोट्या हाच गुन्हेवारी प्रवृत्तीचा असून त्याने व अन्य आठ-दहा जणांनी मे 2017 मध्ये भैरवनाथ यात्रेच्या कालावधीत पोलीस निरीक्षक दयानंद सदाशिव गावडे यांच्यावर जीवघेणा हल्ला केला होता. अनेक वर्षांपासून जमिनीचा बेकायदेशीरपणे ताबा घेणे, संबंधीत शेतकऱ्यांना वेठीस धरणे व पैशांची लुबाडणुक करणे हे
त्याचे धंदे आजही सुरू आहेत. फलटण शहर, पिंपरद, निंबळक, बरड, गुणवरे व इतर गावांमध्ये तो हस्तकामार्फत बेकायदेशीर सावकारी करत आहे.

सावकारी करून शेतकऱ्यांची शेतजमीन स्वतःचे नावावर करुन त्याच्याकडून अव्वाच्या सव्वा रक्कम घेतल्याची कित्येक उदाहरणे आहेत. भंडलकर याच्यावर झालेल्या गोळीबाराबाबत विजय गावडे व त्यांचे कुटुंबीय यांचा कोणत्याही प्रकारचा काडीमात्र संबंध नाही. केवळ गावडे कुटूंबियांना बदनाम करण्याच्या उद्देशाने खोटा आरोप करीत आहे. भंडलकर सारख्या गुन्हेगारी वृत्तीला पाठीशी घालू नये. बरड गोळीबारप्रकरणी नि:पक्षपातीपणे चौकशी करावी व दोषी आढळतील त्यांच्यावर तात्काळ कायदेशीर कारवाई करावी. सखोल चौकशी न करता विजय गावडे यांना अटक करणे हे या कुटुंबावर अन्याय केल्यासारखे होणार आहे, असेही निवेदनात म्हटले आहे.


‘प्रभात’चे फेसबुक पेज लाईक करा

What is your reaction?
0 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)