बरं झालं मोदी भ्रष्टाचारात अडकले: मसूद अजहर 

नवी दिल्ली: जैश-ए-मोहम्मदचा अतिरेकी मसूद अजहर याने पुन्हा एकदा भारताविरोधात गरळ ओकली आहे. त्याने एक नवीन व्हिडिओ जारी करून, बरं झालं मोदी भ्रष्टाचाराच्या आरोपात अडकले, अशी मुक्ताफळं उधळली असून पाकिस्तान सरकारने सहा महिन्यांसाठी आमच्या संघटनेवरील बंदी हटवल्यास भारताला त्यांच्याच भाषेत उत्तर देऊ असे म्हणताना भारत स्वत: घाबरलेला असून त्यांच्याकडून केवळ पोकळ धमक्‍या दिल्या जात आहेत’, अशी गरळ ही अजहरने ओकली आहे.
भारत आणि पाकिस्तान दरम्यान चर्चेसाठी प्रयत्न सुरू असतानाच मसूद अजहरने हा व्हिडिओ जारी करून या चर्चेत वितुष्ट आणण्याचा प्रयत्न केला आहे. यामध्ये तो म्हणाला आहेकी, बरं झाले मोदी भ्रष्टाचारात अडकले. आता ते भारताच्या लष्करप्रमुखांना पुढे करून पाकिस्तानला धमकावत आहेत. भारत-पाक युद्ध व्हावं असं आम्हाला वाटत नाही. आमचे मुजाहिद्दीनच भारताला धडा शिकवतील, असंही त्यानं म्हटलं आहे. भारतातील एका लॉबीच्या दबावाखालीच पाकिस्तान भारताशी चर्चा करू इच्छित असल्याचा आरोपही त्याने केला आहे. पाकिस्तानच्या चुकांमुळेच भारताचा आत्मविश्वास वाढला आहे. जिहाद-ए-काश्‍मीरने भारताला धडा शिकवला आहे. त्यामुळे भारत युद्ध करण्याची चूक करणार नाही. सर्जिकल स्ट्राइकच्या माध्यमातून अभास निर्माण करण्याचा प्रयत्न केला जात असल्याची टीकाही त्याने केली.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)