त्रिशला चोप्रा

पर्यावरणदृष्ट्‌या, प्लॅस्टिक ही मोठ्या प्रमाणात वाढणारी आपत्ती आहे! बहुतेक प्लॅस्टिक हे पेट्रोलियम किंवा नैसर्गिक वायूने बनवलेले असतात जे नूतनीकरण करण्यायोग्य स्त्रोत नाहीत. ते पर्यावरणीय तंत्रज्ञानावर परिणाम करणाऱ्या ऊर्जागहन तंत्रांमधून काढले जातात. फक्त पर्यावरणावरच नाही परंतु त्याचा मानवी आरोग्यावरदेखील मोठा प्रभाव पडतो. प्लॅस्टिक प्रदूषण ही एक मोठी समस्या बनत आहे.

आजकालच्या लहान मुलांच्या आजाराच्या वाढत्या दरामुळे, आपल्या मुलाला जे अन्न दिले जाते त्याबद्दल सावधगिरी बाळगणे हे पूर्वीपेक्षा अधिक महत्त्वाचे आहे. बाळांना जन्मतः आईच्या विषारी भारांमुळे खूप धोका असतो, ह्यातील बरेच घटक हे प्लॅस्टिक आणि त्यात उपस्थित असलेल्या दूषित घटकांपासून येतात जसे की बीपीए (बिस्फेनॉलए). आता बऱ्याच शोधांनंतर असे पुरावे आढळले आहेत की, हे विष बाळांच्या जन्माला येण्याआधीच हे घटक त्यांच्यापर्यंत पोहचते.

आई आपल्या बाळाला जे काही खाऊ घालते त्याबद्दल अत्यंत सावधगिरी बाळगण्याचा प्रयत्न करत असते. परंतु तरीही बऱ्याचदा तिच्याही नकळत ती आपल्या बाळाला पहिल्या काही महिन्यांतच प्लॅस्टिकच्या बाटल्यांमध्ये दुध अथवा पाणी पाजते ज्याचा परिणाम तिच्या बाळावर नकळत होतो.

प्लॅस्टिकच्या सर्व घटकांमध्ये बीपीए हा एक महत्वाचा घटक असतो ज्याचा उल्लेख आपल्याला वस्तूंच्या लेबलवर दिसुन येत नाही. खालील उत्पादनांमध्ये पोलीकर्बोनेटचा (ज्यात बीपीए आहे!) वापर केला जातो,
कॅन केलेलं अन्न आणि सोडालिनिंग प्लॅस्टिक
दुधासाठी वापरात असलेली प्लॅस्टिकची बॉटल
मायक्रोवेव्ह- सुरक्षित प्लॅस्टिकची भांडी
बेबी बॉटल आणि सिपर
प्लॅस्टिक खेळणी
बाळांना किंवा मुलांना देण्यात येणाऱ्या सर्व उत्पादनांमधून बीपीएला काढायला हवे. कॅन्स, बाटल्या, प्लेट्‌स आणि इतर सर्व स्त्रोतांपासून अगदी कमीतकमी बीपीएचा प्रभावदेखील आपल्या मुलाच्या आरोग्यासाठी गंभीर समस्या उदभवू शकते. संशोधन आपल्याला सांगते की रसायने ही गंभीर आरोग्यविषयक समस्यांबद्दलच्या दीर्घयादीत धोका निर्माण करू शकतात. उदाहरणार्थ,
मेंदूला संरचनात्मक नुकसान
कमी प्रतिरक्षा
हायपर ऍक्‍टिविटी
लवकर यौवन
संज्ञानात्मक घट
लठ्ठपणाचा धोका
पुरुष वा स्त्री विशिष्ट वर्तनामध्ये बदल

आपल्या मुलाचा बीपीएशी संपर्क कमी करण्यासाठी खालील टिपा आहेत:
काचेच्या, सिरेमिक, स्टेनलेसस्टील किंवा तांब्याच्या वस्तू ह्या आपल्या स्वयंपाकघरात प्लॅस्टिकच्या डब्ब्यात अन्नाचे साठा करण्यात येणाऱ्या वस्तूऐवजी वापराव्यात, ते शक्‍य नसल्यास किमान जुन्या, आणि खराब झालेल्या प्लॅस्टिकच्या वस्तू टाकून द्याव्या, त्यांना डिश वॉशरमध्ये ठेवण्यापासून टाळावे तसेच त्यांना कठोर डिटर्जंट्‌स वापरु नये, कारण या गोष्टीमुळे अधिक बीपीए आपल्या जेवणापर्यंत पोचू शकतात.

फक्त काच किंवा स्टेनलेसस्टील किंवा तांब्याच्याच बाटल्या वापरा.
प्लॅस्टिकचा ओघ शक्‍यतो टाळा (आणि कधीही मायक्रोवेवची प्लॅस्टिकने झाकलेली वस्तू टाळा).
प्लॅस्टिकऐवजी ग्लास, सिरेमिक किंवा स्टेनलेसस्टील किंवा कॉपर ह्यांचा वापर खाद्यपदार्थ वा पाणी गरम ठेवण्यासाठी करण्यात यावा.
प्लॅस्टिक बाटलीबंद पाणी वापरणे टाळा; त्याऐवजी, उच्च गुणवत्तेच्या फिल्टरचा वापर करुन पाणी काचेच्या बाटलीत भरा.
प्लॅस्टिक कंटेनरमध्ये कधीही मायक्रोवेव्ह अन्न गरम करू नका. आपल्या मायक्रोवेव्हच्या वापरास दूर करण्याचा प्रयत्न करा.
प्लॅस्टिकच्या व्यतिरिक्त इतर नैसर्गिक फॅब्रिकचे खेळणी खरेदी करा आणि जर तुम्ही टेकटर आणि पेसिलिअर खरेदी करणार असाल तर ज्या बीपीएमुक्त आहेत अश्‍या वस्तु खरेदी करा. कॅन केलेला आणि टीनयुक्त पदार्थ वापरणे टाळा कारण त्यात बीपीए असते.
आपण कॅन केलेला पदार्थ खाण्याची निवड केल्यास, फक्त बीपीएमुक्त पदार्थ निवडा.
कोणत्याही दंतप्रक्रियेस जाण्यापूर्वी आपण आपल्या दंतवैद्यकाशी त्यामध्ये बीपीए समाविष्ट नाही ना ह्याची खात्री करून घ्या.
निरोगी आयुष्याचे रहस्य नैसर्गिक आणि नैसर्गिक उत्पादने वापरणे हेच आहे!

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)