प्रॉपर्टी न जन्मलेल्या बाळाची (भाग-२)

विशिष्ट परिस्थितीत जी व्यक्ती हस्तांतरावेळी अस्तित्वात नाही, अशा व्यक्तीच्या नावावरही संपत्तीचे हस्तांतर करता येते. म्हणजेच, हस्तांतरावेळी जन्मास न आलेल्या अपत्याच्या नावावर संपत्ती करता येते. मात्र त्यासाठी अगोदर ट्रस्टस्थापन करावा लागतो व तात्पुरते अधिकार त्यांच्याकडे दिले जातात.

प्रॉपर्टी न जन्मलेल्या बाळाची (भाग-१)

कधी अशीही परिस्थिती येऊ शकते की, संपत्तीचे सर्व हक्क जन्माला न आलेल्या अपत्याच्या नावाने हस्तांतरित केले जातात म्हणजेच संपत्तीचे सर्व हक्क त्या अपत्याच्या नावाने स्थानांतरित करण्यात येतात. उदाहरणार्थ, उपरोक्त उदाहरणातील “ख’ व्यक्तीच्या जन्मास न आलेल्या अपत्याच्या नावावर अशा प्रकारे मालमत्तेचे हस्तांतर अशा स्थितीतच वैध ठरू शकतात, जेव्हा सर्व हक्क जन्मास न आलेल्या अपत्याकडे वर्ग करण्यात येतील. हे हक्क कोणत्याही प्रकारे मर्यादित नसतील.

अधिक स्पष्टपणे सांगायचे झाल्यास “क’ व्यक्ती आपली मालमत्ता बक्षीसरूपाने जन्मभरासाठी “ख’ व्यक्तीच्या नावाने करते आणि असे निश्‍चित केले जाते की, “ख’च्या निधनानंतर या संपत्तीची मालकी “ख’च्या सर्वांत मोठ्या अपत्याच्या (जो अद्याप जन्मास आलेला नाही) नावाने केली जाईल. जन्मास न आलेल्या अपत्यास “ग’ नाव देऊया. “ग’च्या निधनानंतर ही मालमत्ता “ख’च्या दुसऱ्या अपत्याच्या (समजा “घ’) नावे केली जाईल. आश्‍चर्याची बाब म्हणजे, ज्या दिवशी मालमत्ता हस्तांतरित करण्यात आली, त्या दिवशी ग आणि घ या दोन्ही व्यक्ती अस्तित्वात नाहीत. अशा प्रकारच्या हस्तांतराचा अर्थ असा की या ठिकाणी “क’ने “ख’च्या नावाने आणि त्याच्या निधनानंतर “ग’च्या नावाने “लाइफ इस्टेट’ बनविले आहे. “ग’च्या नावाने मालमत्तेचा हक्क असल्यामुळे या दस्ताच्या मदतीने “ख’ व्यक्ती “ग’च्या वतीने मालमत्तेचा कब्जा घेऊ शकतो. परंतु, त्याला या मालमत्तेचे मालकी हक्क मिळणार नाहीत. म्हणजेच, त्या मालमत्तेचे विभाजन आदी “ख’ व्यक्ती करू शकणार नाही.

– कमलेश गिरी

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)