प्रियंका चोप्रा-निक जोनस लंडनला रवाना

बॉलिवूडची अभिनेत्री प्रियंका चोप्रा तिचा बॉयफ्रेण्ड अमेरिकन गायक-अभिनेता निक जोनससह लंडनला रवाना झाली. या दोघांनीही मुंबईत मुकेश अंबानी यांचा मुलगा आकाश अंबानी आणि हिरे व्यापारी रसेल मेहता यांची कन्या श्लोका मेहता यांच्या साखरपुड्याला हजेरी लावली. या कार्यक्रमानंतर काल रात्री दोघेही लंडनला रवाना झाले. दोघेही हातात हात घालून विमानतळाकडे जाताना दिसले. लंडनमध्ये निकची कॉन्सर्ट असल्यामुळे त्याला तातडीने निघायचं होतं. मात्र त्याच्यासोबत प्रियांकानेही जाणं पसंत केलं.

प्रियांका आणि निक जोनस यांच्यातील प्रेमसंबंधांच्या चर्चा जगभरात सुरु आहेत. हे जोडपं पुढच्या महिन्यात एंगेजमेंट करणार असल्याचं म्हटलं जात आहे. 25 वर्षांचा निक जोनस अमेरिकन गायक, गीतकार आणि अभिनेता आहे. वयाच्या सातव्या वर्षी त्याने नाटकात काम करायला सुरुवात केली. प्रियंका निकपेक्षा दहा वर्षांनी मोठी आहे.

-Ads-
दैनिक प्रभातचे फेसबुक पेज लाईक करा

‘फिल्मफेअर’ मासिकाच्या रिपोर्टनुसार जुलैअखेर किंवा ऑगस्ट महिन्यात प्रियंका आणि निक साखरपुडा करण्याची शक्यता आहे. आपल्या कुटुंबीयांना भेटवण्यासाठीच प्रियंका निकला सोबत घेऊन भारतात आल्याचा अंदाज आहे. प्रियंकाने भूमिका केलेल्या ‘काँटिको’ मालिकेतील तिचा सहकलाकार ग्रॅहम रॉजर्सने दोघांची ओळख करुन दिली होती.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)