पुणे – वकिलांची शिखर संघटना असलेल्या पुणे बार असोसिएशनच्या अध्यक्षपदी ऍड. केतन कोठावळे यांची निवड झाली आहे. अध्यक्षपदासाठी झालेल्या चौरंगी लढतीमध्ये सर्वाधिक 2 हजार 728 मते घेऊन ते विजयी झाल्याची माहिती मुख्य निवडणूक निर्णय अधिकारी ऍड. अमित गिरमे, उपमुख्य निवडणूक निर्णय अधिकारी ऍड. दिलीप जगताप, ऍड. माधवी पोतदार, ऍड. शरद कुलकर्णी, ऍड. कांताराम नप्ते आणि ऍड. सिद्धेश्वर चौधरी यांनी दिली. ही निवड पुढील वर्षभरासाठी असणार आहे.
उपाध्यक्ष पदाच्या सहा जणांच्या लढतीत ऍड. विश्वजित पाटील, ऍड. जयश्री चौधरी-बिडकर हे विजयी झाले. सचिवपदी ऍड. राहुल कदम, ऍड. गंधर्व कवडे विजयी झाले. खजिनदारपदी ऍड. समीर बेलदरे विजयी झाले. ऑडिटर ऍड. अजय देवकर यांची आणि दहा कार्यकारिणी सदस्यांची यापूर्वीच बिनविरोध निवड झाली आहे. ऍड. अमोल वडगणे, ऍड. प्रमोद नढे, ऍड. मयुरी कासट, ऍड. संजय खैरे, ऍड. रेश्मा चौधरी, ऍड. श्रद्ध जगताप, ऍड. राहुल प्रभुणे, ऍड. ऋषिकेश कोळपकर, ऍड, चंद्रसेन कुमकर आणि ऍड. सचिन माने या सदस्यांची निवड झाली आहे. मंगळवारी सकाळी 9 ते सायंकाळी 5.30 या वेळेत मतदान झाले. त्यामध्ये सुमारे 5 हजार 400 वकिलांनी मतदानाचा हक्क बजावला. रात्री निकाल जाहीर करण्यात आला.