पिंपरीत तिघांनी तरुणाला लुटले

पिंपरी – नेहरुनगर येथे तिघांनी पादचाऱ्याला कोयत्याचा धाक दाखवून लुटले. ही घटना पिंपरीतील अण्णासाहेब मगर स्टेडियमजवळ शुक्रवारी रात्री घडली.

कमलेश चव्हाण (वय-21, रा. संत तुकारामनगर, पिंपरी) या तरुणाने पोलीस ठाण्यात फिर्याद दिली आहे. त्यानुसार दुचाकीवरील अनोळखी तीन जणांविरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, कमलेश संत तुकारामनगर येथील आपल्या घरी येत असताना अण्णासाहेब मगर स्टेडियमजवळ अचानक दुचाकीवरून आलेल्या तिघांनी त्याला अडविले. त्याला जबरदस्तीने दुचाकीवर बसविले. कोयत्याच्या धाकाने त्याच्याकडील रोकड व मोबाईल असा एकूण साडेसहा हजार रुपयांचा ऐवज चोरून नेला. पिंपरी पोलीस ठाण्याचे उपनिरीक्षक विठ्ठल बढे तपास करीत आहेत.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)