पाण्याच्या टाकीत बुडून मुलीचा मृत्यू

पिंपरी- बांधकाम साईटवर खेळत असताना पाण्याच्या टाकीत बुडून एका तीन वर्षाच्या मुलीचा मृत्यू झाला. ही घटना शनिवारी (दि.3) सायंकाळी सातच्या सुमारास दिघी परिसरात घडली.
रितू यादव (वय-3) असे पाण्याच्या टाकीत बुडून मृत्यू झालेल्या मुलीचे नाव आहे. या प्रकरणी ठेकेदार मोहन किसन पवार (26, रा. गणेशनगर, बोपखेल) याच्यावर गुन्हा दाखल करण्यात आला आहे. पोलिसांनी दिलेल्या माहितीनुसार, दिघीतील गणेशनगर येथे श्री समर्थ रेसिडेन्सी या इमारतीचे बांधकाम सुरु आहे. या बांधकामासाठी साईटवर पाण्याच्या टाक्‍या बनवण्यात आल्या आहेत. शनिवारी सायंकाळी बांधकाम मजूर विनोद यादव यांची मुलगी रितू खेळत असताना पाण्यात टाकीत पडली. यामध्ये तिचा बुडून मृत्यू झाला. कामगारांच्या सुरक्षेबाबत हलगर्जी केल्या प्रकरणी ठेकेदारावर गुन्हा नोंद करण्यात आला आहे. पुढील तपास दिघी पोलीस करीत आहेत.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)