पाकिस्तानकडून पुन्हा शस्त्रसंधीचे उल्लंघन

जम्मू : जम्मू-काश्मीरमध्ये पाकिस्तानकडून पुन्हा एकदा शस्त्रसंधीचे उल्लंघन करण्यात आले आहे. बारामुल्ला जिल्ह्यातील उरी सेक्टरमध्ये पाकिस्तानी सैनिकांनी गोळीबार केला असून या गोळीबाराला भारतीय जवानांनी जशास तसे उत्तर दिले आहे.

बुधवारी मध्यरात्री उरी सेक्टरमध्ये कमलकूट परिसरात पाकिस्तानी सैनिकांनी शस्त्रसंधीचे उल्लंघन करत गोळीबार केला. पाकच्या सैनिकांनी मशीनगन आणि मॉर्टारमधून गोळीबार केला. जम्मू-काश्मीरच्या वेगवेगळ्या परिसरात पाककडून गोळीबार केला जात आहे. बुधवारी चार भारतीय नागरिकांचा मृत्यू झाला असून सांबा सेक्टरमध्येही तीन नागरिकांना आपला जीव गमवावा लागला आहे.

पाकिस्तानी सैनिकांनी जम्मू, कठुआ आणि सांबा जिल्ह्यात आंतरराष्ट्रीय सीमेवर गोळीबार करीत गावांना आणि चौक्यांना लक्ष्य केले. पाकच्या गोळीबारात सांबा आणि कठुआ जिल्ह्यातील अनेक घरांचे मोठे नुकसान झाले आहे. हिरानगर सेक्टरमध्ये पाकच्या गोळीबारात एका नागरिकाचा मृत्यू झाला तर दोन जण जखमी झाले आहे. गेल्या आठवड्यात पाकिस्तानकडून हिरानगर, सांबा, रामगढ, अरनिया आणि सुचेतगड सेक्टरमध्ये गोळीबार करीत शस्त्रसंधीचं उल्लंघन केले आहे.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)