परप्रांतिय तरुणीकडून तरुणाला गंडा

पिंपरी – एका परप्रांतिय तरुणीने ऑनलाईन पद्धतीने क्रेडीट कार्डद्वारे तरुणाची एक लाख रुपयांची फसवणूक केली. याप्रकरणी चिंचवड पोलीस ठाण्यात तरुणीवर फसवणुकीचा गुन्हा दाखल करण्यात आला आहे.

अनिकेत अशोक बाचल (वय-31, रा-वाल्हेकरवाडी, चिंचवड) असे फसवणूक झालेल्या तरुणाचे नाव आहे. राधा गुप्ता (रा. बीसादा, जि. गौतम बुद्धनगर, उत्तर प्रदेश) हिच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, संबंधीत तरुणीने अनिकेत यांच्याशी वारंवार फोनवरुन संपर्क साधत त्यांचा विश्‍वास संपादन केला. अनिकेतच्या क्रेडीट कार्डचा पासवर्ड व ओटीपी क्रमांक घेतला व त्याद्वारे परस्पर एक लाख रुपये काढून घेतले. त्यानंतर अनिकेत याने तिला संपर्क साधण्याचा प्रयत्न केला. मात्र, तिने कोणताही प्रतिसाद न दिल्याने फसवणूक झाल्याचे त्याच्या लक्षात आले. पुढील तपास चिंचवड पोलीस करत आहेत.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)