नाशिक-औरंगाबाद मार्गावर “शिवशाही’ला अपघात

नाशिक – नाशिक-औरंगाबाद महामार्गावर भरधाव टॅंकर आणि शिवशाही बस यांच्या झालेल्या अपघातात एका प्रवाशाचा मृत्यू झाला आहे. तर 10 ते 15 प्रवासी जखमी झाले आहेत. नाशिक-औरंगाबाद राज्य मार्गावरील विंचूर येथे शनिवारी दुपारी भीषण अपघात झाला.

पेट्रोलच्या टॅंकरने शिवशाही बसला धडक दिली. धडकेनंतर बस उलटली आणि या भीषण अपघातात एका प्रवाशाचा मृत्यू झाला. 10 ते 15 जण अपघातात जखमी झाले असून जखमींना निफाड येथील सरकारी रुग्णालयात दाखल करण्यात आले आहे. बसमध्ये एकूण 35 ते 40 प्रवासी होते.

अपघाताचे वृत्त समजताच ग्रामस्थ, पोलीस व अन्य यंत्रणांनी घटनास्थळी धाव घेत मदतकार्याला सुरुवात केली. मृत्यू झालेल्या तसेच जखमी प्रवाशांची नावे अद्याप समजू शकलेली नाहीत.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)