नाना पाटेकरांना अटक करा ! – काँग्रेस

मुंबई: अभिनेते नाना पाटेकर यांना अटक करण्याची मागणी महिला काँग्रेसने केली आहे. आज मुंबईत रस्त्यावर उतरून त्यांनी तनुश्री दत्ताला पाठिंबा दिला. त्यामुळे नाना पाटेकर आणि तनुश्री दत्ता यांच्या प्रकरणाला आता राजकीय वळण लागल्याचे पाहायला मिळत आहे.

काँग्रेसच्या महिला कार्यकर्त्यांनी आज ओशिवारा पोलीस स्टेशनबाहेर नाना पाटेकरांविरोधात आंदोलन केले. तनुश्री दत्ताने २००८ साली एका चित्रपटाच्या वेळी आयटम सॉंग शूट केले जात असताना नाना पाटेकर यांनी आपल्याला चुकीच्या पद्धतीने स्पर्श केले असल्याचे आरोप केले आहेत. तनुश्री दत्ता हिच्या तक्रारीनंतर काल रात्री ओशिवारा पोलीस ठाण्यात नाना पाटेकर यांच्यासह ४ जणांविरुद्ध गुन्हा दाखल करण्यात आला आहे. कलम ३५४ आणि कलम ५०९ अंतर्गत हा गुन्हा दाखल करण्यात आला.

नुश्री दत्ता हिने गैरवर्तनाचे आरोप केल्यानंतर महिला आयोगाने अभिनेते नाना पाटेकर यांना नोटीस बजावली. तसेच गणेश आचार्य, समीर सिद्दीकी आणि दिग्दर्शक राकेश सारंग यांनाही नोटीस बजावण्यात आली आहे. महिला आयोगाने हे प्रकरण गांभीर्याने घेतले असून सर्वना १० दिवसात आपले म्हणणे मांडण्याचे सांगितले. तसेच महिला आयोगाने पोलिसांकडूनही याप्रकरणावर करण्यात आलेल्या कारवाईचा अहवाल मागितला आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)