नागपुरात गुंगीचे औषध देऊन मैत्रिणीवर बलात्कार

संग्रहित छायाचित्र

नागपूर – नागपूरमध्ये मैत्रिणीला गुंगीचे औषध देऊन तिच्यावर बलात्कार केल्याची धक्कादायक घटना उघडकीस आली आहे. तसेच बलात्कार केल्यानंतर आरोपीने मैत्रिणीला ब्लॅकमेल करत तिचे अश्‍लील फोटो व्हॉट्‌सऍप ग्रुपवर व्हायरल केले आहे. या प्रकरणी सतीश रामटेके या आरोपीला पोलिसांनी अटक केली आहे.

फेसबुकच्या माध्यमातून काही महिन्यांपूर्वी सतीशची 19 वर्षीय महाविद्यालयीन विद्यार्थिनीसोबत मैत्री झाली होती. आरोपीने पीडित मुलीला कुटुंबियांची ओळख करुन देतो म्हणून घरी बोलावले.

-Ads-

घरात कुणी नसताना त्याने पीडित मुलीला गुंगीचे औषध देत तिच्यावर बलात्कार केल्यानंतर तिचे अश्‍लील फोटो काढले. या फोटोच्या आधारे आरोपी पीडित मुलीला ब्लॅकमेल करुन तिच्याकडे वारंवार शरीरसुखाची मागणी करत होता.

पीडित तरुणीने मात्र सतीशला स्पष्ट शब्दांत नकार दिला. त्यामुळे चिडलेल्या सतीशने तिला मारहाण केली. मात्र धमकी आणि मारहाणीनंतरही पीडित तरुणी आपल्याला मनमानी करू देत नसल्याचे पाहून सतीशने तिची बदनामी करण्याच्या उद्‌देशाने पीडितीचे आक्षेपार्ह अवस्थेतील फोटो महाविद्यालयातील ग्रुपवर व्हायरल केले. याप्रकरणी पीडितेने पोलिसांत तक्रार दिली. त्यानंतर पोलिसांनी गुन्हा नोंदवित आरोपीला अटक केली.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
1 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)