“नदी वाहते’चं मोशन पोस्टर लॉंच

– सप्टेंबरमध्ये चित्रपट येणार प्रेक्षकांच्या भेटीला

राष्ट्रीय पुरस्कार प्राप्त श्वास या चित्रपटाचे दिग्दर्शक संदीप सावंत यांच्या आगामी ‘नदी वाहते’ या बहुचर्चित चित्रपटाचं मोशन पोस्टर नुकतेच लॉंच करण्यात आले. येत्या सप्टेंबर महिन्यात हा चित्रपट प्रदर्शित होत आहे. आताच्या काळात आपल्या गावातली नदी जगवणे, ती वाहती ठेवणे हे मोठं आव्हान आहे. नदीसाठी केवळ मोर्चे काढून, आंदोलनं करून भागणार नाही. तर, नदीचा योग्य पद्धतीने वापर करणं ही काळाची गरज आहे, या आशयसूत्रावर “नदी वाहते’ बेतला आहे. संवेदनशील विषय, कोकणाचा नयनरम्य पार्श्वभूमी हे या चित्रपटाचे वैशिष्ट्‌यं आहे.

पुणे आंतरराष्ट्रीय चित्रपट महोत्सव आणि झी गौरव पुरस्कारांत या चित्रपटाला विशेष पुरस्काराने सन्मानित करण्यात आलं आहे. चित्रपटात वसंत जोसलकर, पूनम शेटगावकर, आशा शेलार, जयंत गाडेकर, ह्रदयनाथ जाधव, शिव सुब्रमण्यम आदींच्या भूमिका आहेत. संदीप सावंत आणि नीरजा पटवर्धन यांच्या सहज फिल्म या निर्मिती संस्थेच्या अंतर्गत या चित्रपटाची निर्मिती केली आहे. संजय मेमाणे यांनी छायांकन, नीरज व्होरालिया यांनी संकलन केले आहे. ध्वनी विभाग सुहास राणे व मंदार कमलापूरकर यांनी सांभाळला आहे तर कलादिग्दर्शन व वेशभूषा नीरजा पटवर्धन यांनी केलं आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)