दरोड्याच्या तयारीतील पाच आरोपी जेरबंद

पिंपरी – दरोड्याच्या तयारीत असणाऱ्या पाच सराईतांना हिंजवडी पोलिसांनी हत्यारासह अटक केली.

किरण कुमार पिल्ले (वय-21, रा. शिंदेवाडी, पिरंगुुट), समीर उर्फ पप्पु बबन गुजर (वय-28, रा. मुळशी), अजितेश राजाराम चव्हाण (वय-19, रा. पिरंगुट), विनायक उर्फ सुनील राऊत (वय-26, रा. पिरंगुट) व रितेश सुभाष शिंदे (वय-20, रा. पिरंगुट) अशी अटक केलेल्या आरोपींची नावे आहेत.

-Ads-
दैनिक प्रभातचे फेसबुक पेज लाईक करा

पोलिसांनी दिलेल्या माहितीनुसार, हिंजवडी पोलीस गस्त घालत असताना रात्री साडे दहाच्या सुमारास बावधन येथील रामनगर कॉलनी समोरील मुंबई-पुणे महामार्गावर काही संशयीत तेथे थांबले असल्याची माहिती पोलिसांना मिळाली. त्यानुसार पोलीस घटनास्थळी गेले असता. आरोपी हे त्यांच्या दुचाकीवरुन पळून जात होते. यावेळी पोलिसांनी पाठलाग करुन त्यांना ताब्यात घेतले. त्यांची अंगझडती घेतली असता त्यांच्याकडे तलवार, कोयता व लोखंडी फायटर असा एकूण 1 लाख 70 हजार रुपयांचा मुद्देमाल जप्त केला.

यावेळी त्यांना रात्री असे हत्यार घेऊन फिरण्याचे कारण विचारले असता त्यांनी रामनगर येथील बंगल्यात दरोडा घालण्याच्या तयारीत असल्याची माहिती दिली. हा कट किरण पिल्ले व रितेश शिंदे या दोघांनी रचला होता. तर यातील पप्पु गुजरवर पौड पोलीस ठाण्यात मारहाणीचा तर कोल्हापूर येथील राजवाड पोलीस ठाण्यात वाहन चोरीचा गुन्हा दाखल असल्याचे उघड झाले.

ही कारवाई हिंजवडीचे वरिष्ठ पोलीस निरीक्षक यशवंत गवारी, पोलीस निरीक्षक (गुन्हे) शिवाजी गवारे, पोलीस उपनिरीक्षक अशोक गवारी व त्यांच्या तपास पथकाने केली.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)