बंगळुरू:  भारताचे माजी पंतप्रधान आणि धर्मनिरपेक्ष जनता दलाचे अध्यक्ष एच. डी. देवेगौडा यांचा आज जन्मदिवस आहे. त्यांच्यावर संपूर्ण देशातून शुभेच्छांचा वर्षाव होत असताना काँग्रेस अध्यक्ष राहुल गांधींनी मात्र चक्क त्यांची माफी मागितली आहे.

देवेगौडांच्या वाढदिवसानिमित्त आज राहुल गांधी यांनी ट्विट करून त्यांना शुभेच्छा दिल्या. त्यानंतर त्यांना कॉल करून त्यांच्या प्रकृतीची विचारपूस केली. त्याचवेळी कर्नाटक निवडणुकीच्या प्रचारादरम्यान केलेल्या वैयक्तिक टीकेबद्दल राहुल गांधींनी त्यांची माफीही मागितली.  कर्नाटकाच्या निवडणुकीत राहुल गांधीनी जिल्ह्याजिल्ह्यात जाऊन प्रचार केला होता. प्रचार करत असताना त्यांनी अत्यंत कठोर शब्दात देवेगौडांवर ताशेरे ओढले होते.

पंतप्रधान नरेंद्र मोदींनीही ट्विट करून देवेगौडा यांना वाढदिवसाच्या शुभेच्छा दिल्या आहेत. याआधी कधीही मोदींनी देवेगौडा यांना ट्विटरवरून वाढदिवसाच्या शुभेच्छा दिल्या नव्हत्या. त्यामुळं मोदींच्या या समयसूचकतेवर टीकाही होत आहे. कर्नाटकातील सध्याची राजकीय गणितं लक्षात घेऊनच मोदींनी शुभेच्छा दिल्या असाव्यात, असं बोललं जात आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)