तालुकास्तरीय विज्ञान प्रदर्शनास प्रारंभ

पाटण – पाटण तालुका डोंगराळ असला तरी या तालुक्‍यातील विद्यार्थी विविध क्षेत्रात चमकत आहेत. विविध पदेही भुषवत आहेत. तर काही साता समुद्रापलिकडे जावून आपल्या कार्याचा ठसा उमटवून तालुक्‍याचे नाव रोशन करीत आहेत. त्यांच्या कार्याचा आदर्श इतर विद्यार्थ्यांनी घ्यावा, असे आवाहन शिक्षण सभापती राजेश पवार यांनी केले. अडूळ ता. पाटण येथील श्री क्षेत्रपाल विद्यालयात पंचायत समिती शिक्षण विभागाच्या वतीने आयोजित 44 व्या तालुकास्तरीय विज्ञान प्रदर्शनाच्या उद्‌घाटनप्रसंगी ते बोलत होते.

अध्यक्षस्थानी उपसभापती राजाभाऊ शेलार होते. पंचायत समिती सदस्या सुभ्रदा शिरवाडकर, अडूळ गावठाणचे सरपंच जयवंत केंडे, विनायक शिर्के, सुभाष पवार, अलका पाटील, धैर्यशील पाटणकर, नारायण सत्रे, आनंदराव डुबल, संजय शिर्के, बाळासाहेब शिर्के व राहुल सत्रे यांची प्रमुख उपस्थिती होती. राजाभाऊ शेलार म्हणाले, शोध लावणाऱ्या ध्येयवेड्या शास्त्रज्ञांमुळे जग जवळ येऊ लागले आहे. जगाशी सामान्य माणसाचा संवाद होऊ लागला आहे. विज्ञान प्रदर्शनाच्या माध्यमातून आपण ही संशोधक होऊ शकतो, ही प्रेरणा विद्यार्थ्यांत निर्माण होऊन छोटे-छोटे संशोधक तयार व्हावेत, असे मत त्यांनी व्यक्‍त केले. प्राचार्य एम. जे. गिरीगोसावी यांनी स्वागत केले. गटशिक्षणाधिकारी राजकुमार निकम यांनी प्रास्ताविक केले.


‘प्रभात’चे फेसबुक पेज लाईक करा

What is your reaction?
0 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)