जिम अकोस्टा यांच्यावरील बंदी तुर्तास मागे 

व्हाइट हाऊस प्रकरणात अमेरिकेतील न्यायालयाचा निर्णय 

वॉशिंग्टन –
अमेरिकेतील सीएनएन वृत्तवाहिनीचे वार्ताहर जिम अकोस्टा यांच्यावर व्हाइट हाऊसने जारी केलेली बंदी तुर्तास मागे घेण्यात आली आहे. या प्रकरणाचा अंतिम निकाल लागेपर्यंत ही बंदी उठविण्यात येत आहे, असा आदेश अमेरिकेच्या न्यायालयाने दिला आहे.

अध्यक्ष डोनाल्ड ट्रम्प यांच्याशी वाद झाल्याने सीएनएनचे वार्ताहर जिम अकोस्टा यांना व्हाइट हाऊसमध्ये प्रवेश देण्यास बंदी घालण्यात आली होती. व्हाइट हाऊसमध्ये 7 नोव्हेंबर रोजी झालेल्या पत्रकार परिषदेत ट्रम्प आणि अकोस्टा यांच्यात मायक्रोफोन वापरण्यावरून वाद झाला. अकोस्टा हे ट्रम्प यांना वारंवार प्रश्न विचारत राहिले. त्यावर ट्रम्प यांनी अकोस्टा यांचा रूड, टेरिबल पर्सन असा उल्लेख केला आणि त्यांचा व्हाइट हाऊसमध्ये प्रवेशाचा परवाना रद्द केला होता.

-Ads-

त्यानंतर ट्रम्प प्रशासनाकडून प्रसारमाध्यमांची गळचेपी केली जात असल्याच्या प्रश्नावरून वादंग माजले. हे प्रकरण न्यायालयात गेले. अकोस्टा यांचा परवाना रद्द करणे म्हणजे प्रसारमाध्यमांच्या घटनादत्त अधिकारांचे उल्लंघन आहे, असा दावा प्रसारमाध्यमांनी केला. या प्रकरणी सुनावणी करताना न्यायाधीश टिमोथी केली यांनी प्रकरणाचा अंतिम निकाल लागेपर्यंत व्हाइट हाऊसच्या निर्णयाला स्थगिती देत अकोस्टा यांच्यावरील बंदी तात्पुरती उठवली.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)