चोरांकडून पाच लाखांची वाहने जप्त

पिंपरी – वाहन चोरी करणाऱ्या चोरांकडून पोलिसांनी तब्बल पाच लाख रुपयांची वाहने जप्त केली आहेत. ही कारवाई पिंपरी पोलिसांनी केली. या कारवाईमुळे चार वाहनचोरीचे गुन्हे उघडकीस आले आहेत.

विनोद श्‍यामराव लोखंडे (वय-33, रा. मिलिंदनगर, पिंपरी) असे अटक करण्यात आलेल्या वाहन चोराचे नाव आहे.
पोलिसांनी दिलेल्या माहितीनुसार, पोलीस शिपाई विकास रेड्डी, विद्यासागर भोते यांना माहिती मिळाली की, पिंपरी परिसरात वाहन चोरी करणारा एका आरोपी पिंपरी मधील डेक्कन होंडा शोरूम समोर येणार आहे. त्यानुसार पोलिसांनी सापळा रचून त्याला ताब्यात घेतले. त्याच्याजवळ असलेल्या मोटार सायकल बद्दल चौकशी केली असता त्याने ती मोटारसायकल चोरी केली असल्याचे सांगितले. त्यावरून त्याला अटक करून कसून चौकशी केली असता त्याने आणखी तीन मोटार सायकल आणि एक चारचाकी टेम्पो चोरला असल्याचे सांगितले. त्यानुसार, त्याच्याकडून चार दुचाकी आणि एक चारचाकी टेम्पो असा एकूण पाच लाख रुपयांचा ऐवज जप्त केला.

-Ads-

या कारवाईमुळे पिंपरी आणि वाकड पोलीस ठाण्यातील चार वाहन चोरीचे गुन्हे उघडकीस आले आहेत. ही कामगिरी पोलीस आयुक्त आर. के. पद्मनाभन, अप्पर पोलीस आयुक्त मकरंद रानडे, पोलीस उपायुक्त स्मार्तना पाटील, सहाय्यक पोलीस आयुक्त सतीश पाटील यांच्या मार्गदर्शनाखाली वरिष्ठ पोलीस निरीक्षक कल्याण पवार, पोलीस निरीक्षक (गुन्हे) रंगनाथ उंडे, सहाय्यक पोलीस निरीक्षक अन्सार शेख, पोलीस कर्मचारी राजेंद्र भोसले, नागनाथ लकडे, राजू काकडे, महादेव जावळे, आदिनाथ सरक, संतोष भालेराव, उमेश वानखेडे, विद्यासागर भोते, अविनाश देशमुख, गणेश खाडे, गणेश करपे, विकास रेड्डी, विष्णू भारती, सोमेश्वर महाडिक, नामदेव राऊत यांच्या पथकाने केली.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)