चर बुजविण्यासाठी पावणेनऊ कोटींचा खर्च

पिंपरी – महापालिकेच्या क प्रभागातील रस्त्यावरील चर बुजविण्याच्या कामासाठी तब्बल पावणेनऊ कोटींची निविदा काढण्यात आली आहे. त्यातून सेवावाहिन्यांसाठी खोदलेले रस्ते बुजविण्यावर पालिका तिजोरीतून कोट्यवधींचा चुराडा केला जात असल्याचे समोर येत आहे.

पिंपरी-चिंचवड महापालिकेत नसलेली कामे दाखवून मोठ्या रकमेच्या निविदा काढणे आणि त्यातून टक्केवारीलाचा मलिदा लाटण्याचा उद्योग नवीन नाही. हा प्रकार स्थापत्य विभागातील रस्त्यांचे डांबरीकरण व दुरुस्तीच्या कामात अधिक होतो आहे.

शहरात महावितरण, एमएनजीएस, तसेच खासगी मोबाईल व इतर कंपन्या केबल व गॅस पाईपलाईनसारख्या सेवावाहिन्या टाकण्य़ासाठी महापालिकेने तयार केलेल्या रस्त्यांची खोदाई करतात. या खोदामूळे रस्यांवर खड्डे पडून रस्त्यांची दुरावस्था होते. नागरिकांकडून वारंवार तक्रारी केल्या जातात. परंतु, महापालिकेतील अधिकारी व ठेकेदारांचे या सेवावाहिन्यांमुळे खोदले जाणारे व रस्ते व त्यांतून निघणाऱ्या कोट्यवधी रुपयांच्या खर्चाच्या कामांमुळे चांगभले होत आहे.

महापालिकेच्या क प्रभागाअंतर्गंत स्थापत्य विभागाने सेवावाहिन्या टाकण्यासाठी खोदलेल्या रस्त्यावर पडलेले चर बुजविण्यासाठी तब्बल 8 कोटी 78 लाख 31 हजार 583 रुपयांची निविदा काढली आहे. हे काम 21.76 टक्के कमी दराने करण्याची तयारी मे. क्‍लीन्सी कन्स्ट्रक्‍शन या ठेकेदाराने करण्याची तयारी दर्शविली आहे. त्यानुसार 6 कोटी 88 लाख 35 हजार 817 रुपयांमध्ये हे काम करून घेतले जाणार आहे. मात्र, निव्वळ चर बुजविण्यासाठी महापालिकेच्या एका प्रभागाकडून कोटीत खर्च केला जात आहे.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
1 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)