बंगळुरू: आमदारांना गळाला लावण्यासाठी भाजपने १०० कोटी रुपयांची ऑफर दिल्याचा जेडीएस आणि काँग्रेसने केलेला आरोप भाजपने फेटाळून लावला आहे. भाजपवर केलेले आरोप तथ्यहिन आहेत. घोडेबाजारीसाठी काँग्रेस प्रसिद्ध आहे, असे प्रत्युत्तर भाजपने दिले आहे.

कर्नाटकात भाजपने आमदारांना गळाला लावण्यासाठी १०० कोटी रुपयांची ऑफर दिल्याचा आरोप काँग्रेस आणि जेडीएसने केला होता. यामुळे खळबळ उडाली होती. या आरोपांना भाजपचे कर्नाटकातील प्रभारी प्रकाश जावडेकर यांनी उत्तर दिले आहे. जेडीएस आणि काँग्रेसकडून करण्यात आलेले आरोप तथ्यहिन आहेत. भाजपने त्यांच्या आमदारांशी संपर्क साधण्याचा प्रयत्न केला नाही. तसेच त्यांना कोणतीही ऑफर दिलेली नाही. आरोप करणारा काँग्रेस पक्ष घोडेबाजारीसाठी प्रसिद्ध आहे, असे ते म्हणाले. जेडीएस-काँग्रेस आघाडीवर त्यांच्याच पक्षांचे आमदार नाखूश आहेत, असेही ते म्हणाले. जेडीएस आणि काँग्रेस अशाच प्रकारचं राजकारण करतात. आम्ही नियमांचे पालन करत असून, आम्ही सरकार स्थापन करण्याचा दावा राज्यपालांकडे केला आहे, असेही जावडेकर यांनी सांगितले.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)