कंटेनर चालकाने अंगावर गाडी घातल्याने वाहतूक पोलिसाचा बळी

जळगाव : जळगावात कंटेनर चालकाने अंगावर गाडी घातल्यामुळे वाहतूक पोलिसाचा बळी गेला आहे. चाळीसगाव- औरंगाबाद रोडवर घडलेल्या घटनेत महामार्ग पोलिस कर्मचारी अनिल शिसोदे यांचा मृत्यू झाला. वाहतूक हवालदार अनिल शिसोदे आपल्या सहकाऱ्यांसोबत नेहमीप्रमाणे चाळीसगाव-औरंगाबाद रोडवर गस्तीवर होते.

वाहनांची तपासणी करताना समोरुन येणाऱ्या कंटेनरला त्यांनी समोर उभं राहून अडवलं, मात्र कंटेनर चालकाने न थांबता पळून जाण्याचा प्रयत्न केला. या सर्व प्रकारात अनिल शिसोदे यांना कंटेनरचा जोरदार धक्का लागला आणि ते खाली कोसळले. यामध्ये शिसोदेंचा जागीच मृत्यू झाला. सोमवारी सकाळी दहा वाजताच्या सुमारास ही घटना घडली. या घटनेनंतर आरोपी चालक कंटेनरसह पळ काढण्याचा तयारीत होता, मात्र पोलिसांनी त्याला कंटेनरसह ताब्यात घेतलं.


‘प्रभात’चे फेसबुक पेज लाईक करा

What is your reaction?
0 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)