आयपीएलमुळे विंडीज क्रिकेटचे नुकसान – हूपर

कसोटी सामन्यांसाठी समालोचन करताना केला खळबळजनक आरोप

राजकोट: आयपीएलमधील (इंडियन क्रिकेट लीग) आकर्षक करार मिळविण्याची इच्छा बाळगणाऱ्या आमच्या युवा खेळाडूंना ही लीग स्वत:कडे ओढते. यामुळे वेस्ट इंडिज क्रिकेटचे नुकसान होत आहे अशी टीका वेस्ट इंडीजचे माजी अष्टपैलू खेळाडू कार्ल हूपरने केली आहे. विंडीजमधील प्रतिभावान युवा क्रिकेटपटूंचे एकमेव लक्ष्य आयपीएल खेळणे हेच होऊन बसले आहे, असेही हूपर यावेळी म्हणाला.

-Ads-

खेळाडू आणि विंडीज क्रिकेट बोर्डातील वाद जगजाहीर आहे. पण आयपीएलसारख्या दीर्घ लीगमुळे संघाच्या अडचणीत भर पडत असल्याचे हूपरचे मत आहे. विंडीजकडून 102 कसोटी सामने खेळणारा हूपर कसोटी मालिकेत समालोचन करण्यासाठी 16 वर्षानंतर भारतात आला आहे. तो म्हणाला, वेस्ट इंडिज क्रिकेटवर आयपीएलचा भक्‍कम पगडा आहे. टी-20 क्रिकेट कायम रहावे. आजच्या घडीला पाच वर्षांपूर्वीपेक्षा अधिक क्रिकेट खेळायला मिळत आहे. याचा फटका विंडीज क्रिकेटला बसला. आमचे युवा खेळाडू आयपीएलशी करारबद्ध होण्यास उत्सुक असतात.

ऍडिलेड येथे शृंखलाबद्ध हॉटेल व्यवसायी बनलेला हूपर म्हणाला, खेळाडू आयपीएलला प्राधान्य देत असतील तर कसोटीसह एकदिवसीय संघातील त्यांच्या उपलब्धतेविषयी शंका असते. वेतन वाद आणि जगातील लीगमध्ये खेळण्यास प्राधान्य दिल्यामुळे ख्रिस गेल, ड्‌वेन ब्राव्हो, कायरन पोलार्ड आणि सुनील नारायण यांच्यासारखे खेळाडू राष्ट्रीय संघाकडे पाठ फिरवितात. याविषयी हूपरचे मत असे की, आयपीएल तर सहा आठवडे चालते पण आमची स्थिती अशी आहे की 2013 मध्ये विंडीजसाठी अखेरची कसोटी खेळलेल्या सुनील नारायणने यानंतर एकही आंतरराष्ट्रीय सामना खेळलेला नाही. हीच स्थिती हुकमी फलंदाज ख्रिस गेल आणि कायरन पोलार्ड यांचीही आहे. पोलार्ड 26-27 व्या वर्षी कसोटी क्रिकेट खेळला असता तर तो उत्कृष्ट खेळाडू बनू शकला असता. पण त्याने टी-20 ला प्राधान्य दिले. त्यामुळे आम्हाला चांगल्या खेळाडूला मुकावे लागले आहे.

चांगले कसोटीपटू गमावण्याची भीती

ईवीन लुईससारखा खेळाडूही झटपट क्रिकेटला प्राधान्य देत असल्याने आम्ही एकामागोमाग एक खेळाडू गमावत आहोत. हेटमायरसारख्या युवा खेळाडूची उद्या आयपीएल संघात निवड झाल्यास आम्ही चांगला कसोटीपटू गमावू शकतो, अशी भीतीही वेस्ट इंडिजचा माजी कर्णधार कार्ल हूपरने यावेळी व्यक्त केली.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)