आयटीआय प्रवेशासाठी दोन दिवसांत 25 हजार अर्ज

पुणे – राज्यातील औद्योगिक प्रशिक्षण संस्था अर्थात आयटीआय प्रवेशाला सोमवारपासून सुरुवात झाली. सुमारे 25 हजार विद्यार्थ्यांनी गेल्या दोन दिवसांत यासाठी ऑनलाईन अर्ज केले आहेत, अशी माहिती व्यवसाय शिक्षण व प्रशिक्षण संचलनालयाकडून देण्यात आली आहे.

राज्यात केंद्रीय पद्धतीने ऑनलाईन आयटीआय प्रवेश होत आहे. ऑनलाईन अर्जासाठी दोन दिवसांत 39 हजार 587 विद्यार्थ्यांनी नोंदणी केली आहे. त्यापैकी 25 हजार 402 विद्यार्थ्यांनी अर्ज भरला आहे. यातून 2 हजार 576 विद्यार्थ्यांनी कागदपत्रांची पडताळणी करून अर्ज निश्‍चित केला आहे. आतापर्यंत 509 विद्यार्थ्यांनी ऑप्शन फार्म भरला असल्याचे व्यवसाय शिक्षण संचालनालयने कळविले आहे.
दरम्यान, यंदा आयटीआय प्रवेशासाठी 1 लाख 33 हजार 84 इतक्‍या जागा उपलब्ध आहेत. गतवर्षी आयटीआय प्रवेशाची क्षमता 1 लाख 25 हजार 681 इतकी होती. यंदा 7 हजार 400 इतकी प्रवेशाची संख्या वाढली आहे. दोन दिवसांत आलेल्या अर्जावरून विद्यार्थ्यांची आयटीआय प्रवेशाला पसंती दिली आहे. आयटीआय प्रवेशासाठी अर्ज करण्याची शेवटची मुदत 2 जुलैपर्यंत आहे. त्यामुळे यंदा आयटीआयसाठी अर्जाची संख्या वाढण्याची चिन्हे आहेत.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)