आता पीएफची माहिती ई-मेल, एसएमएसद्वारे मिळणार

नवी दिल्ली : कंपनीने वेतनातून कापलेला भविष्य निर्वाह निधी अर्थात पीएफची रक्कम आता आपल्या पीएफ खात्यात जमा केली नाही, याची माहिती तुम्हाला तात्काळ मिळणार आहे. कारण, यापुढे आता एसएमएस व ईमेलवर पीएफची रक्कम जमा झाल्याची माहिती मिळणार आहे. कर्मचारी भविष्य निधी संघटनेने ही माहिती एसएमएस, ई-मेलद्वारे देण्याचे ठरवले आहे.

या सोयीसाठी कर्मचाऱ्यांचा मोबाइल नंबर आणि इमेल आयडी त्याच्या युनिव्हर्सल अकाऊंट नंबर (यूएएन) शी लिंक असणे आवश्यक आहे. कामगार मंत्रालयाने, ईपीएफओच्या या सुविधेतून कर्मचाऱ्यांना त्यांच्या पीएफ खात्यातील रकमेची माहिती एसएमएस वा मिस्ड कॉलवर मिळू शकेल. शिवाय सदस्य ई-पासबुकही पाहू शकतील असे म्हटले आहे. अनेक कंपन्या कर्मचाऱ्यांच्या पीएफची रक्कम वेळेत वा अजिबातच जमा करीत नाहीत. अशा अनेक तक्रारी आहेत. अशा कंपन्यांना नोटिसाही बजावण्यात आल्या असल्याचेही सांगण्यात आले आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)