आता आयडीबीआय बॅंकेतही कोट्यवधींचा घोटाळा

नवी दिल्ली: देशात सध्या बॅंक घोटाळ्यांचे थैमान घातले असल्याचे दिसत आहे. कारण पंजाब नॅशनल बॅंकेत (पीएनबी) १३ हजार कोटींचा घोटाळा झाल्याचे प्रकरण ताजे असतानाच आता आयडीबीआय बॅंकेतही मोठा घोटाळा झाल्याची माहिती समोर येत आहे.

आयडीबीआय बॅंकेत बनावट कागदपत्रांद्वारे  ७७२ कोटी रूपयांचा घोटाळा झाल्याचे प्रकरण पुढे आले आहे. हा घोटाळा आंध्र प्रदेश आणि तेलंगणा येथील ५ शाखांमध्ये झालेल्याची प्राथमिक माहिती आहे. सीबीआयने या प्रकरणी एफआयआर दाखल केली आहे.

आयडीबीआयने या घोटाळ्याची माहिती बॉम्बे स्टॉक एक्स्चेंजला दिली आहे. बॅंकेने, हा घोटाळा कर्जाच्या रूपाने करण्यात आला असल्याचे म्हटले आहे. या प्रकरणात काही कर्जे ही २००९ ते २०१३ या काळात घेण्यात आली होती. ही कर्जे मत्स्य उद्योगासाठी घोण्यात आले होते. यातील काही कर्जे ही बनावट कागदपत्रांद्वारे घेण्यात आल्याचे बॅंकेने म्हटले आहे. बॅंकेने पुढे म्हटले आहे की, बनावट कागदपत्रांमध्ये काही तलावांचे पठ्ठे दाखवण्यात आले आहेत. वास्तवात हे तलाव अस्तित्वाच नाहीत. इतकेच नव्हे तर, तारण म्हणून ठेवण्याता आलेल्या वास्तूंच्या किमतीही वाढवून लावण्यात आल्या आहेत.

पंजाब नॅशनल बँकेप्रमाणे या प्रकरणातही कर्मचाऱ्यांचा हात असावा अशी शक्यता वर्तविण्यात येत आहे. या प्रकरणात दिले गेलेले कर्ज आणि त्याची वितरण यात अनेक ठिकाणी गोलमाल आहे. प्रकरण पुढे येताच कर्ज देणाऱ्या अधिकाऱ्याला बॅंकेने तत्काळ निलंबीत केले आहे. दरम्यान, या प्रकरणातील एक अधिकारी सेवानिवृत्त झाला आहे.

आतापर्यंत घोटाळ्याची एकूण पाच प्रकरणे पुढे आली आहेत. यापैकी दोन प्रकरणात तक्रार दाखल करण्यात आली आहे. ही दोन्ही प्रकरणे बशीरबाग आणि गुंटूर ब्रांचशी संबंधीत आहेत.दरम्यान, घोटाळ्याचे वृत्त येताच त्याचा बॅंकेच्या शेअर्सवर मोठा परिणाम पहायला मिळाला. बॅंकेचे शेअर्स ३ टक्क्यांनी घसरले.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)