…आणि विराट कोहलीने पृथ्वी शॉशी साधला मराठीत संवाद

नवी दिल्ली – इंग्लंड दौऱ्यात पृथ्वी शॉला पाचारण करण्यात आले होते मात्र त्याला खेळण्याची संधी मिळाली नाही. त्यानंतर वेस्ट इंडिजविरुद्धच्या मालिकेतील पहिल्या कसोटीत पृथ्वी पदार्पण करणार हे आता निश्‍चित झाले आहे. त्या अनुषंगाने विराट कोहली पृथ्वीला सज्ज करण्यासाठी त्याला मोलाच्या टिप्स देताना आज पाहायला मिळाला. त्यासाठी विराटने पृथ्वीशी त्याची मायबोली मराठीतून संवाद साधण्याचा प्रयत्न केला. याबाबत माहिती पृथ्वी शॉने बीसीसीआय टिव्हीला दिली.

मैदानावरचा विराट आणि मैदानाबाहेरचा विराट यात बराच फरक आहे. मैदानावर विराट जितका आक्रमक आहे तितकाच मैदानाबाहेर तो दिलखुलास आहे. त्याच्या विनोदी स्वभावाचा मलाही प्रत्यय आला. त्याने मला चीअर अप करण्यासाठी माझ्याशी मराठीत संवाद साधण्याचा प्रयत्न केला. त्याचं तोडकं मोडकं मराठी माझ्या चेहऱ्यावर हास्य फुलवणारं होतं, अशी प्रतिक्रिया पृथ्वीने बीसीसीआय टीव्हीला दिली.

-Ads-

भारतीय संघाचा भाग बनल्याचा जसा आनंद आहे तसं माझ्यावर दडपणही आलं आहे. मात्र, माझी भीती विराट आणि रवी शास्त्री सरांनी दूर केलीय. भारतीय संघाच्या ड्रेसिंग रूममध्ये ज्युनियर वा सीनियर असा फरक नसून आपण एक टीम आहोत, असा सल्ला मला विराट आणि शास्त्रीसरांनी दिल्याचेही पृथ्वी म्हणाला. नेटमधील सरावाचा पहिला दिवस माझ्यासाठी उत्तम होता. संजय बांगर, रवी सरांकडून चांगल्या टिप्स मिळाल्या. रवीसरांनी मला रणजीप्रमाणेच येथेही दडपण न घेता तुझा खेळ कर असा सल्ला दिला आहे, याकडेही पृथ्वीने लक्ष वेधले.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)