आंतरराष्ट्रीय न्यायालयालाच अमेरिकेची धमकी

न्यायाधिशांवर निर्बंध घालू ; खटला दाखल करू

वॉशिंग्टन: आंतरराष्ट्रीय न्यायालयाने अमेरिकन लष्कराच्या कोणत्याही अधिकारी अथवा जवानांवर अफगाणिस्तानातील युद्धाबद्दल खटला दाखल केला तर आम्ही या न्यायालयाच्या न्यायाधिशांवर आणि तेथील अधिकाऱ्यांवर कडक कारवाई करू, असा इशारा अमेरिकेने दिला आहे.

व्हाईट हाऊसमध्ये आज झालेल्या पत्रकार परिषदेत अमेरिकेचे राष्ट्रीय सुरक्षा सल्लागार जॉन बोल्टन यांनी सांगितले की आमच्या आणि इस्त्रायल सारख्या आमच्या मित्र राष्ट्रांवर आंतरराष्ट्रीय न्यायालयात खोटे खटले दाखल केले जात आहेत. असले अन्याय्य आणि अकारण होणारे प्रकार आम्ही सहन करणार नाही आणि त्यावर गप्पही बसणार नाही असे ते म्हणाले. यापुढे कोणत्याही अमेरिकन अधिकाऱ्यावर अथवा नागरीकांवर आंतरराष्ट्रीय न्यायालयाने खटला दाखल करून घेतला तर आम्ही त्यांच्यावर आर्थिक निर्बंध लाऊन त्यांच्यावरच अमेरिकेत गुन्हे दाखल करू.

या न्यायालयाच्या न्यायाधिशांना आणि तेथे काम करणाऱ्या वकिलांनाही अमेरिकेत प्रवेश करण्याची बंदी करून त्यांना धडा शिकवू असा सज्जड इशारा त्यांनी दिला आहे. आंतरराष्ट्रीय न्यायालयाच्या सांगण्यावरून कोणत्याही अमेरिकन नागरीकाची चौकशी करणाऱ्या जगातल्या कोणत्याही संस्थेवर अथवा कंपनीवरही अशाच प्रकारची कारवाई केली जाईल असेही त्यांनी स्पष्ट केले आहे. ते म्हणाले की नोव्हेंबर 2017 मध्ये आंतरराष्टीय न्यायालयातील प्रॉसिक्‍युटर्सनी अफगाणिस्तानातील युद्ध गुन्ह्यांच्या संबंधात अमेरिकेन लष्करी व गुप्तचर यंत्रणांच्या अधिकाऱ्यांची चौकशी करण्याची विनंती केली आहे. तथापी या प्रकरणात अशी मागणी कोणत्याही अमेरिकन यंत्रणेने अथवा अफगाणिस्तान सरकारनेही केलेली नाही. त्रयस्थांकडूनची अशी मागणी केली जात असून त्यानुसार जर आमच्या कोणत्याही नागरीकावर अथवा मित्र देशांतील लोकांवर असे गुन्हे दाखल होणार असतील तर आम्हाला वरील प्रमाणे कठोर कारवाई करावी लागेल असा इशाराही बोस्टन यांनी दिला आहे.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)