अल्पवयीन मुलीवर बलात्कार : दोन गुन्ह्यात दोघांचे जामिन फेटाळले

 

पुणे, दि. 20 (प्रतिनिधी) – अल्पवयीन मुलीवर बलात्कार केल्याप्रकरणी दोन वेगवेगळ्या गुन्ह्यात न्यायालयाने दोघांचे जामिन अर्ज फेटाळले. विशेष न्यायाधीश आर.एन.सरदेसाई यांनी हा आदेश दिला आहे.
पहिला गुन्हा दत्तवाडी पोलीस स्टेशनच्या हद्दीत घडला. या प्रकरणात आनंद सिध्दु कदम (वय 20, रा. दांडेकर पूल) याचा जामिन न्यायालयाने फेटाळला आहे. त्याने 18 एप्रिल 2017 रोजी लग्नाच्या अमिषाने 16 वर्षीय मुलीला पळवून नेले. तिच्यावर बलात्कार केल्याचे फिर्यादीत नमुद करण्यात आले आहे. या प्रकरणी पोलिसांनी कदम याला अटक केली आहे. कदम सध्या न्यायालयीन कोठडीत आहे. त्याने जामिन मिळावा, यासाठी न्यायालयात अर्ज केला होता. या अर्जास अतिरिक्त जिल्हा सरकारी वकील प्रमोद बोंबटकर यांनी विरोध केला. कदम याने हा गुन्हा केल्याचे वैद्यकीय पुराव्यावरून प्रथमदर्शनी दिसून येत आहे. या प्रकरणात अद्याप दोषारोपपत्र दाखल झालेले नाही. त्यामुळे कदम याचा जामिन फेटाळावा, असा युक्तीवाद बोंबटकर यांनी केला. हा युक्तीवाद ग्राह्य धरत न्यायालयाने कदम याचा जामिन फेटाळला.
दुसऱ्या प्रकरण पिंपरी पोलीस स्टेशनच्या हद्दीत घडले. या प्रकरणात महेश आम्रीतलाल कनुजिया (वय 20, रा. पिंपरी) याचा जामिन फेटाळण्यात आला आहे. त्याने जानेवारी ते फेब्रुवारी 2017 या कालावधीत 17 वर्षीय मुलीवर लग्नाच्या अमिषाने बलात्कार केला. ती मुलगी गरोदर राहिल्यामुळे हा प्रकार उघडकीस आला. या प्रकरणी पिंपरी पोलिसांनी कनुजिया याला अटक केली आहे. तो सध्या न्यायालयीन कोठडीत आहे. त्याने जामिन मिळावा, यासाठी न्यायालयात अर्ज केला होता. या अर्जास अतिरिक्त जिल्हा सरकारी वकील प्रमोद बोंबटकर यांनी विरोध केला. कनोजिया हा मूळचा उत्तरप्रदेश येथील आहे. जामिन मिळाल्यास तो पळून जाण्याची शक्‍यता आहे. फिर्यादी त्या 17 वर्षीय मुलीचा अद्याप प्रथमवर्ग न्यायदंडाधिकाऱ्यांपुढे जबाब नोंदविण्यात आलेला नाही. त्यामुळे त्याचा जामिन फेटाळावा, असा युक्तीवाद ऍड. बोंबटकर यांनी केला. हा युक्तीवाद ग्राह्य धरत न्यायालयाने त्याचा जामिन फेटाळला.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)