अमेरिकन डॉलर देण्याच्या आमिषाने फसवणूक करणाऱ्या चौघांना पोलीस कोठडी

पुणे-अमेरिकन डॉलर देण्याच्या आमिषाने 70 हजार रुपयांची फसवणूक केल्याप्रकरणात चौघांना दत्तवाडी पोलिसांनी अटक केली. त्यापैकी एक बांगलादेशी आहे. दोन पश्‍चिम बंगाल येथील असून, एक दिल्लीतील आहे. दरम्यान, त्या चौघांना दोन दिवस पोलीस कोठडीत ठेवण्याचा आदेश न्यायालयाने दिला आहे. नाहीद अमिन रहमान (वय 36), हफीझुल ऊर्फ यामीन रुपीकुल सरदार (वय 23, रा. गोंधळेनगर, हडपसर, मूळ. पश्‍चिम बंगाल), ओनिक फकरूल शेख (वय 29, रा. गोंधळेनगर हडपसर, मूळ. बांगलादेश) आणि शाहीद ऊर्फ सौदुल (वय 28, रा. गोंधळेनगर, हडपसर, मूळ. दिल्ली), अशी अटक केलेल्या चौघांची नावे आहेत. या प्रकरणात पोलिसांनी आणखी एकाला अटक केली असून, तो सध्या जामिनावर आहे. गणेश पांडुरंग इकारे (वय 30, रा. कोंढवा) याने याबाबत पोलिसात फिर्याद दिली आहे. ही घटना दि. 5 ते 10 एप्रिल 2018 या कालावधीत पर्वती पायथा येथील सार्वजनिक रस्त्यावर घडली. आरोपींनी फिर्यादीचा विश्‍वास संपादन केला. अमेरिकन डॉलर देण्याच्या आमिषाने फिर्यादीकडून 70 हजार रुपये घेतले. डॉलर म्हणून पेपरची रद्दी देऊन फिर्यादीची फसवणूक केल्याचे फिर्यादीत नमूद करण्यात आले आहे. या प्रकरणात चौघांना अटक करून पोलिसांनी न्यायालयात हजर केले. त्यावेळी गुन्ह्यातील रक्‍कम हस्तगत करण्यासाठी, तसेच अटक केलेल्यांवर हडपसर पोलीस स्टेशनमध्ये एक गुन्हा दाखल आहे. चौघांचे आणखी कोण साथीदार आहेत का, याच्या शोधासाठी पोलीस कोठडी देण्याची मागणी सहायक सरकारी वकील हेमंत मेंडकी यांनी केली. त्यानुसार न्यायालयाने पोलीस कोठडी सुनावली.


‘प्रभात’चे फेसबुक पेज लाईक करा

What is your reaction?
1 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)